جامائیکا، فیلیسطینی رسماً دؤولت اولاراق تانیدی
"جامائیکا، اوزون مدتدیر داوام ائدن چاتیشمانی حل ائتمک اوچون تک گئچرلی سئچهنک اولاراق ایکی دؤولتلی حلی ساوونماغی داوام ائتدیریر"
جامائیکا، فیلیسطینی رسماً دؤولت اولاراق تانیدیغینی بیلدیردی.
جامائیکا خاریجی ایشلر و خاریجی تیجارت باخانی کامینا جانسون سمیت، وئردیگی مطبوعات آچیقلاماسیندا، "جامائیکانین، اوزون مدتدیر داوام ائدن (ایسرائیل ایله فیلیسطین آراسینداکی) چاتیشمانی حل ائتمک اوچون تک گئچرلی سئچهنک اولاراق ایکی دؤولتلی حلی ساوونماغی داوام ائتدیردیگینی" ایفاده ائتدی.
سمیت، دونن ائدیلهن باخانلار قورولونون آردیندان فیلیسطینی رسمی اولاراق دؤولت اولاراق تانیما قراری آلدیقلارینی قید ائتدی.
بؤلگهده گرگینلیین آزالدیلماسی و قالیجی باریشین تامین ائدیلمهسینه دایر بوتون چابالاری دستکلهمهیه داوام ائتدیکلرینی بیلدیرهن سمیت، طرفلری پروبلئمی دیپلوماتیک یوللارلا حل ائتمهیه چاغیردی.
باربادوس یؤنهتیمی ده ۲۰ آوریلده، فیلیسطینی دؤولت اولاراق تانیما قراری آلمیشدی.
ایلگیلیلی خبرلر
فیلیپپینده 5.7 ریشتر گوجونده زلزله
آمریکا ژئولوژی خیدمتینین معلوماتینا گؤره، 5.7 ریشتر گوجونده زلزله 7.9 کیلومتر درینلیکده قیده آلینیب