زلنسکی آمریکا کنگرهسینین اوکراین یاردیم پاکتینی قییمتلندیریب
آمریکا کنگرهسی اوکراین، ایسرائیل و تایوانا 95 میلیارد دولارلیق یاردیم ائدیلمهسی و روسیهنین دوندورولموش وارلیقلارینین اوکراینین خیرینه ایستیفاده ائدیلمهسی ایله باغلی قانون لاییحهسینی قبول ائدیب
اوکراین پرزیدنتی ولادیمیر زلنسکی آمریکا کنگرهسینین نومایندهلر مجلیسینین اؤلکهسینه 61 میلیارد دولارلیق یاردیمی تصدیقلمهسینین اوکراین خالقینین حیاتینی قوروماق قراری اولدوغونو بیلدیریب.
زلنسکی ایکس حسابیندا پایلاشدیغی ویدئولو دانیشیغیندا آمریکا نومایندهلر مجلیسینین اؤلکهسینه 61 میلیارد دولار یاردیمی تصدیقلمهسینی قییمتلندیریب.
بو قراری اوزون مودتدیر گؤزلدیکلرینی وورغولایان زلنسکی، بو یاردیمین فایداسینی جبهه خطینده دؤیوشن اوکراین عسگرلری و یاشاییش منطقهلرینین حس ائدهجیینی بیلدیریب.
زلنسکی، "بیزیم (یاردیم) پاکتیمیزه دستک اولان هر کسه تشکور ائدیرم. بو، حیاتین قورونماسی اوچون بیر حل یولودور" دئدی.
نومایندهلر مجلیسینین قبول ائتدیگی قانون لاییحهسینین تئزلیکله آمریکا سناسیندا تصدیقلنهرک آمریکا پرزیدنتی جو بایدنه گؤندریلمهسینی گؤزلدیکلرینی قید ائدن زلنسکی، "روسیهنین داغینتیلار آلتیندا باسدیرماغا چالیشدیغی اؤلکهمیزه، موستقیللیگینه، خالقینا و یاشاییش یولونا وئریلن هر جور دستیی یوکسک قیمتلندیریریک." دئدی.
زلنسکی آمریکادان آلدیقلاری یاردیمدان روسیهنی موحاریبهده مغلوب ائتمک اوچون ایستیفاده ائدهجکلرینی بیلدیریب.
آمریکا کنگرهسینین نومایندهلر مجلیسی دوننکی ایجلاسیندا اوکراین، ایسرائیل و تایوانا 95 میلیارد دولارلیق یاردیم ائدیلمهسی و روسیهنین دوندورولموش وارلیقلارینین اوکراینین خیرینه ایستیفاده ائدیلمهسی ایله باغلی قانون لاییحهسینی قبول ائدیب.
ایلگیلیلی خبرلر
فیلیپپینده 5.7 ریشتر گوجونده زلزله
آمریکا ژئولوژی خیدمتینین معلوماتینا گؤره، 5.7 ریشتر گوجونده زلزله 7.9 کیلومتر درینلیکده قیده آلینیب