گ۷ عضوو اؤلکه‌لر ایرانی قینادی
"گ۷ لیدئرلری اولاراق، ایرانین ایسرائیله اقارشی بیر باشا و بنزری گؤرولمه‌میش سالدیریسینی ان گوجلو ایفاده‌لرله قیناییریق"
آمریکا بیرلشمیش دؤولتلری، آلمانیا، فرانسا، اینگیلتره، ایتالیا، کانادا و ژاپندان عبارت اولان گ۷ اؤلکه‌لری، ایرانین ایسرائیله سالدیریسینی ان گوجلو ایفاده‌لرله قینادی.
گ۷ عضوو اؤلکه‌لرین لیدئرلری، دؤنم باشقانی ایتالیانین چاغریسییلا، ایرانین ایسرائیله قارشی سالدیریسینی موذاکیره ائتمک اوزره ویدئو کنفرانس گؤروشمه‌سی ائتدی.
ویدئو کوفرانسین آردیندان وئریله‌ن یازیلی آچیقلامادا، "گ۷ لیدئرلری اولاراق، ایرانین ایسرائیله اقارشی بیر باشا و بنزری گؤرولمه‌میش سالدیریسینی ان گوجلو ایفاده‌لرله قیناییریق. ایران، ایسرائیله یوزلرجله اینسانسیز هاوا آراجی (ایها) و موشک آتدی. ایسرائیل، اورتاقلارینین کؤمگی ایله بو سالدیرینی پۆسکورتدو" ایفاده‌لری ایشله‌دیلدی.
ایسرائیله و خالقینا تام دایانیشما و دستگین ایفاده ائدیلدیگی آچیقلامادا، "ایسرائیلین گۆونلیگینه قارشی قرارلیلیغیمیزی تائید ائدیریک" دئییلدی.
ایرانین سؤزو گئدن سالدیریلارینین بؤلگه‌ده اونسوز دا یوکسک اولان گرگینلیگی داها دا آرتیردیغی بیلدیریلن آچیقلامادا، "ایرانین و بؤلگه‌ده‌کی عنصورلارینین بو سالدیریلاری دوردورماسینی ایسته‌ییریک. بؤلگه‌نی داها دا ثابیتسیزلشدیره‌جک آددیملارا قارشی‌لیق (ایرانا قارشی) علاوه تدبیرلر آلماغا حاضیریق" دگرله‌ندیرمه‌سی وئریلدی.
گ۷ لیدئرلری آیریجا، غزه‌ده‌کی بحرانین سونا چاتدیریلماسی قونوسونو دانیشاراق، گیروولارین سربست بوراخیلیب بؤلگه‌یه اینسانی کؤمکلرین گیریشینی سرعتله‌ندیره‌جک عاجیل و داوام ائتدیریله‌بیلر بیر آتیش‌کس اوچون چالیشماغا داوام ائدیلمه‌سی وورغوسونو ائتدی.
آوروپا بیرلیگی شوراسی باشقانی شارل میشل ده ایکس حسابیندان وئردیگی آچیقلامادا، گ۷ لیدئرلرینین ایرانین ایسرائیله سالدیریسینی قینادیغینی و بوتون طرفلره اعتیدال چاغریسی ائتدیگینی بیلدیردی.
"گرگینلیین سدۆشورولمه‌سی اوچون بوتون چابالاریمیزی داوام ائتدیرجییک" ایفاده‌سینی ایشله‌دن میشل آیریجا، "غزه‌ده‌کی بحرانین، اؤزللیکله عاجیل آتیش‌کس یولویلا مومکون اولان ان قیسا مدتده سونا چاتدیریلماسی فرق یاراداجاق" دگرلندیرمه‌سینی دیله گتیردی.
آوروپا بیرلیگی شوراسی باشقانی، ۱۷-۱۸ آوریلده ائدیله‌جک آوروپا بیرلیگی ذیروه‌سینده قونونون اؤزللیکله اله آلیناجاغینی قید ائتدی.
