بیرلشمیش میلتلر تشکیلاتی: یاردیم میسیونلاری ایسرائیل طرفیندن بلوکلانیب

بیرلشمیش میلتلر تشکیلاتی 6-12 آوریل تاریخلرینده غزه‌نین قوزئیینه بیرلشمیش میلتلر تشکیلاتی طرفین‌دن علاقه‌لندیریلمیش یاردیم میسیونلارینین 41 فائیزینین بلوکلاندیغینی و یا رد ائدیلدیگینی بیلدیردی.

بیرلشمیش میلتلر تشکیلاتینین اینسانی ایشلرین کووردیناسیون ایداره‌سی (اوچا) ایسرائیلین محاصره‌سی و سیخ هوجوملاری آلتیندا اولان غزه‌نین قوزئیینه چاتدیریلماغا چالیشیلان یاردیملاری حاقیندا معلومات پایلاشیب.

یازیدا، 6-12 آوریل تاریخلری آراسیندا غزه‌نین قوزئیینه بیرلشمیش میلتلر تشکیلاتینین کووردیناسیون ائتدیگی یاردیم میسیونلارینین 41 فائیزینین بلوکلاندیغی و یا گیریشه ایجازه وئریلمدیگی وورغولانیب و علاوه‌ ائدیلیب کی "ایسرائیل رسمیلرینین اینسانی یاردیمی آسانلاشدیرماق وظیفه‌سی یالنیز یاردیم مولکی شخصلره چاتدیقدا سونا چاتیر".