آمریکا: ایرانین دا چیخارینا دئییل
آمریکا خاریجی ایشلر باخانلیغی سؤزچوسو متیو میللر، ایرانین ایسرائیله قارشی تهدیدلرینین قایغی وئریجی اولدوغونو سؤیله‌دی
آمریکا بیرلشمیش دؤولتلری، گرگینلیگی آرتیرماغین، ایرانین دا بؤلگه‌نین ده دونیانین دا چیخارینا اولمادیغینی بیلدیردی.
آمریکا خاریجی ایشلر باخانلیغی سؤزچوسو متیو میللر، گونده‌لیک مطبوعات کنفرانسیندا، اورتا دوغودا گرگینلیین آرتما ریسکیندن قایغی دویماغا داوام ائتدیکلرینی، اؤزللیکله ایرانین ایسرائیله قارشی تهدیدلرینین قایغی وئریجی اولدوغونو سؤیله‌دی.
میللر، آمریکانین، بو تهدیدلر قارشیسیندا ایسرائیله تام دستک وئردیگینی دیله گتیردی.
آمریکا خاریجی ایشلر باخانی آنتونی بلینکنین قونویا باغلی دیپلوماسی ترافیکی یئریتدیگینی و آرالاریندا خاریجی ایشلر باخانی حاکان فیدانین یانی سیرا چینلی و سعودی قونومداشلارییلا گؤروشدوگونو ایفاده ائدن میللر، عینی زاماندا آوروپالی متفیقلرله ده ایلیشکیده اولدوغونو قید ائتدی.
میللر، بلینکنین ایرانا آچیق بیر مئساژ وئریلمه‌سینی ایسته‌دیگینی ایفاده ائد‌رک، "گرگینلیگی آرتیرماق ایرانین دا بؤلگه‌نین ده دونیانین دا چیخارینا دئییل" دئدی.
ایسرائیل، ایرانین دمشق ائلچیلیکی یئرلشکه‌سینده‌کی کونسوللوق بیناسینا ۱ آوریلده هاوا هوجومو تشکیل ائتمیشدی.
سالدیریدا، ایران اینقیلاب گؤزتچیلری سپاه اوردوسوندان ۲سی ژنرال روتبه‌سینده، ۷ نفر اؤلموشدو. سالدیریدا ۶ سوریه وطنداشی دا حیاتینی ایتیرمیشدی.
ایلگیلی‌لی خبرلر
جوزپ بورل فیلیسطین دؤولتینی تانییا‌جاق اؤلکه‌لری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.
