آمریکا پلیسی ۹۶ مرمی ایله بیر نفری اؤلدوردو
شیکاگو شهرینده ۴ پلیس، امنیت کمری تاخمادیغی سببی ایله دوردوردوغو آفریکا منشأ‌لی دکستر ریدی، چیخان چاتیشما نتیجه‌سینده ۹۶ مرمی آتاراق اؤلدوردو
آمریکا بیرلشمیش دؤولتلرینین شیکاگو شهرینده ۴ پلیس، امنیت کمری تاخمادیغی سببی ایله دوردوردوغو آفریکا منشأ‌لی دکستر ریدی، چیخان چاتیشما نتیجه‌سینده ۹۶ مرمی آتاراق اؤلدوردو.
شیکاگو سیویل پلیس مسئولیتی دایره‌سی (کوپا)، وئست گارفیلد پارک بؤلگه‌سینده ۲۱ مارسدا اؤلومله نتیجه‌لنه‌ن چاتیشمایلا باغلی پلیسه عاید وجود کامئراسی گؤرونتولرینی پایلاشدی.
ویدئو گورونتوسونه گؤره، اس‌یووی تیپی آغ بیر ماشینین اطرافینی ساران ۴ پلیس مأمورو، ۲۶ یاشینداکی ریده "قاپینی آچ" دئیه قیشقیرارکه‌ن سونراسیندا قارشیلیقلی اونلارجا ال سلاح سسی ائشیدیلدی.
شیکاگو سیویل پلیس مسئولیتی دایره‌سینین اؤن راپوروندا، ایلک سلاح آتان رید اولدوغو، پلیسین داها سونرا قارشیلیق وئردیگی ایفاده ائدی‌سه ده توپلوما آچیق گؤرونتولرده بونون آیدین اولمادیغی گؤرولدو.
خسته‌خانایا قالدیریلان ریدین حیاتینی ایتیردیگی، حادثه‌ده بیر پلیس مأمورونون ایسه بیله‌گیندن یارا آلدیغی قید ائدیلدی.
پلیس چاتیشمالارینی آراشدیرما صلاحیتی اولان قورولوش شیکاگو سیویل پلیس مسئولیتی دایره‌سی، سؤزو گئدن حادثه‌ده شبهه‌لی گنجه ۴۱ ثانیه‌ده ۹۶ مرمی آتان پلیس مأمورلارینین، سوروشدورما تاماملانانا قدر وظیفه‌دن اوزاقلاشدیریلمالارینی ایسته‌دی.
ایلگیلی‌لی خبرلر
جوزپ بورل فیلیسطین دؤولتینی تانییا‌جاق اؤلکه‌لری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.
