پاریس-ده پارتلاییش، اؤلن‌لر وار

فرانسانین پایتاختی پاریس-ده یاشاییش بیناسی‌نین 7-جی مرتبه‌سینده‌کی ‌منزیلده باش وئرن پارتلاییش نتیجه‌سینده 3 نفر حیاتینی ایتیریب.

فرانسانین پایتاختی پاریس-ده یاشاییش بیناسی‌نین 7-جی مرتبه‌سینده‌کی منزیلده باش وئرن پارتلاییش نتیجه‌سینده 3 نفر حیاتینی ایتیریب. معلوماتا اساساً، حادثه فرانسانین پایتاختی پاریس-ین 11-جی محله‌سینده قئیده آلینیب. پارتلاییشین نامعلوم سبب‌دن باش وئردیگی بیلدیریلیر. پارتلاییش نتیجه‌سینده منزیلده باش وئرن یانغین‌دان خلاص اولماغا چالیشان و تشویشه دوشه‌رک پنجره‌دن تول‌لانان بیر نفر دونیاسینی دییشیب. حادثه یئرینه گلن یانغینسؤن‌دورن‌لرین موداخیله‌سی نتیجه‌سینده یانغین سؤندورولوب، پارتلاییش باش وئرن منزیلده 2 جسد تاپیلیب. تخلیه ائدیلن بینا ساکین‌لرینین 2 ساعات‌دان سونرا ائولرینه داخیل اولا بیلدیک‌لری بیلدیریلیب.