دونیا ساغلیق تشکیلاتی: غزهده 27 اوشاق آجلیقدان اؤلوب
تدروس آدهانوم قبریسوس تعجیلی آتیشکس تامین ائدیلمهدیکجه و یاردیملارین پایلانماسینی آرتیرماق اوچون تهلوکهسیزلیک یارادیلماسا، آجلیقدان اؤلنلرین داها دا آرتاجاغی ایله باغلی خبردارلیق ائدیب
دونیا ساغلیق تشکیلاتینین باش دیرکتورو تدروس آدهانوم قبریسوس، ایسرائیلین اکتبرین 7-ده باشلایان هوجوملاریندان بو یانا غزهده غذا چاتیشمازلیغیندان 27 اوشاغین اؤلدویونو آچیقلاییب.
قبریسوس ایکس سوسیال مئدیا پلاتفورموندا غزهده اوشاق اؤلوملری ایله باغلی یازی پایلاشیب.
"2023-جو ایلین اکتبریندان غزهده 27 اوشاغین آجلیقدان اؤلدویو بیلدیریلیر." آچیقلاماسیندان استفاده ائدن قبریسوس، تعجیلی آتیشکس تامین ائدیلمهدیکجه و یاردیملارین پایلانماسینی آرتیرماق اوچون تهلوکهسیزلیک یارادیلماسا، بو رقمین داها دا آرتاجاغی ایله باغلی خبردارلیق ائدیب.
حماسین حربی قانادی عزالدین قسام توغایلاری اکتبرین 7-ده سحر ساعتلاریندا ایسرائیله قارشی ”اقصی توفانی“ آدلی هرطرفلی هوجوما کئچرکن، ایسرائیل اوردوسو دا اونلارلا ساواش اوچاغی ایله غزه زولاغینا هوجوما باشلاییب.
ایلگیلیلی خبرلر
غزهیه هئچ بیر شئی و هئچ کیمین گیریش چیخیشینا ایجازه وئریلمیر
"وطنداشلار، غزهده اؤلدورولور، آجلیغا معروض بوراخیلیر و بیزیم اونلارا کؤمک ائتمهمیزه مانع تؤردیلیر"