بیرلشمیش میللتلر: گرگینلیین یاییلماسیندان قایغی دویوروق
بیرلشمیش میللتلر، ایرانین سوریه‌ده‌کی سائلچیلیک یئرلشکه‌سینین هدف آلینماسییلا باغلی گرگینلیگین چوخ داها گئنیش ساحه‌یه یاییلماسیندان بؤیوک قایغی دویولدوغونو بیلدیردی
بیرلشمیش میللتلر، ایرانین سوریه‌ده‌کی سائلچیلیک یئرلشکه‌سینین هدف آلینماسییلا باغلی اورتا دوغودا یاشانان گلیشمه‌لره ایشاره ائد‌رک، بؤلگه‌ده‌کی گرگینلیگین چوخ داها گئنیش ساحه‌یه یاییلماسیندان بؤیوک قایغی دویولدوغونو بیلدیردی.
بیرلشمیش میللتلر سؤزچوسو استفان دوجاریک، گونلوک مطبوعات توپلانتیسیندا ژورنالیستلرین سواللارینی جاوابلادی.
بیرلشمیش میللتلر باش کاتیبی آنتونیو گوترشین حادثه‌نین آردیندان ائتدیگی گؤروشمه‌لر حاقیندا بیلگی وئره‌ن دوجاریک، ایران خاریجی ایشلر باخانی حسین امیرعبداللهیانین گوترشه تلفن ائتدیگینی بیلدیردی.
دوجاریک، باش کاتیبین ارتباطینی داوام ائتدیرجگینی ایفاده ائد‌رک "بؤلگه‌ده مؤوجود گرگینلیین چوخ داها بؤیوک بیر ساحه‌یه یاییلماسیندان چوخ قایغی دویوروق" ایفاده‌سینی ایشلتدی.
ایرانین دمشقده‌کی ائلچیلیک یئرلشکه‌سینده یئر آلان کونسوللوق بیناسینا اؤنجه‌کی گون تشکیل ائدیله‌ن هاوا سالدیریسیندا ایران اینقیلاب گؤزت‌چیلری سپاه اوردوسوندان ۲سی ژنرال روتبه‌سینده، ۷ نفر حیاتینی ایتیرمیشدی. سالدیریدا ۶ سوریه‌لینین ده اؤلنلر آراسیندا اولدوغو و توپلام اؤلو ساییسینین ۱۳ اولدوغو آچیقلانمیشدی.
ایران، سالدیرینی ایسرائیلین تشکیل ائتدیگینی آچیقلارکه‌ن تل آویو رهبرلیگی سسسیز قالماغا داوام ائتمیشدی.
سالدیرییا قارشیلیق وئریله‌جگینی بیلدیرن ایران، آمریکانی دا مسئول توتدوقلارینی بیلدیرمیشدی.
