توسک: دونیا یئنی بیر ساواش دؤنمینه گیردی
"کیمسه‌نی قورخوتماق ایسته‌مه‌م اما ساواش آرتیق گئچمیشده قالمیش بیر شئی دئییل"
لهستان باشباخانی دونالد توسک، دونیانین یئنی بیر ساواش دؤنمینه گیردیگینی ایفاده ائتدی.
دونالد توسک، ۲.جی دونیا ساواشیندان (۱۹۳۹-۱۹۴۵) بو یانا ان حساس دؤنملرین یاشاندیغینا ایشاره ائد‌رک، دونیانین یئنی بیر ساواش دؤنمینه گیردیگینین قبول ائدیلمه‌سی لازیم اولدوغونو سؤیله‌دی.
مطبوعاتا دانیشان توسک، گله‌جک ایکی ایلین هر شئیی تعیین ائدجگینی وورغولایاراق،
"کیمسه‌نی قورخوتماق ایسته‌مه‌م اما ساواش آرتیق گئچمیشده قالمیش بیر شئی دئییل. بو گئرچک و اصلینده ایکی ایل اؤنجه باشلادی. بو آندا ان قایغی وئریجی اولان شئی، سؤزون تام معناسییلا هر جور سناریونون مومکون اولدوغو گئرچگیدیر" دئدی.
اوکراینانین وضعیتینین بیر ایل اؤنجه‌کینه نیسبتاً چوخ داها چتین اما عینی زاماندا ساواشین باشلانغیجینا (۲۰۲۲) گؤره چوخ داها یاخشی اولدوغونو ایفاده ائد‌ن لهستان باشباخانی
"آنا وظیفه‌میز اوکراینانی، روس ایشغالیندان قوروماق و اوکراینانی، موستقیل و بوتون بیر دؤولت اولاراق محافظه ائتمک اولمالیدیر" ایفاده‌سینی ایشلتدی.
ایلگیلی‌لی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوه‌سینده همکاری وانگ یی ایله گؤروشوب.
