پاپ، قادین محکوملارین آیاغینی یودو
"قوتسال جمعه آخشامی" اولاراق بیلینن گونده، ایتالیانین باشکندی روماداکی ربیبیا حبس‌خاناسینا گئدن پاپ فرانسیس، بورادا ۱۲ قادین محکومون آیاغینی یویوب اؤپدو
کاتولیک دونیاسینین روحانی لیدئری پاپ فرانسیس، کاتولیکلرین بو هفته سونو قوتلاماغا حاضیرلاندیغی پاسکالیا یورتوسو تۆره‌نلری چرچیوه‌سینده، ۱۲ قادین محکومون آیاغینی یودو.
"قوتسال جمعه آخشامی" اولاراق بیلینن گونده، ایتالیانین باشکندی روماداکی ربیبیا حبس‌خاناسینا گئدن پاپ فرانسیس، بورادا ۱۲ قادین محکومون آیاغینی یویوب اؤپدو.
واتیکان نیوزون خبرینده، پاپین آیاقلارینی یودوغو محکوملارین، ایتالیالی، روس، بولقار، نیجریه‌لی، اوکراینالی، پئرولو و بوسنی هرزگووینلی اولدوغو ایفاده ائدیلدی.
حضرت عیسی‌نین، چارمیخا گریلمه‌دن/تصلیبدن بیر گون اؤنجه سئوگیسینی گؤسترمک اوچون ۱۲ حواریسینین آیاغینی یوماسییلا باشلایان پاسکالیا گله‌نگینی داوام ائتدیره‌ن پاپ فرانسیس، اؤنجه‌کی پاپلارین عکسینه راهیبلرین یئرینه یاردیما محتاجلار یا دا محکوملارین آیاغینی یوماغی سئچیر.
ایلگیلی‌لی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوه‌سینده همکاری وانگ یی ایله گؤروشوب.
