حوثیلر قیزیل دنیز و عمان دنیزینده ایسرائیل، آمریکا و اینگیلیستانا مخصوص 86 گمینی هدف آلیب
عبدالمالک الحوثی ایسرائیلین غزه زولاغینا هوجوملارینین دایانمادیغی تقدیرده عملیاتلارینین داوام ائده‌جیینی وورغولاییب
یمنده‌کی حوثیلر نوامبر آییندان بو یانا قیزیل دنیز و عمان دنیزینده ایسرائیل، آمریکا و اینگیلیستانا مخصوص 86 گمینی هدف آلدیقلارینی آچیقلاییبلار.
حوثیلره مخصوص المسیره تلویزیونو حوثیلر حرکاتینین لیدری عبدالمالک الحوثینین چیخیشینی یاییملاییب.
حوثی چیخیشیندا حرکاتا باغلی یمن حربی دنیز قوه‌لرینین بو هفته 9 گمینی هدف آلدیغینی و بئله‌لیکله، نوامبر آییندان اعتباراً قیزیل دنیز و عمان دنیزینده ایسرائیل، آمریکا و اینگیلیستان ایله علاقه‌لی هدف آلینان گمیلرین سایینی 86-یا آرتدیغینی قید ائدیب.
حوثیلرین بو هفته عرضینده حیاتا کئچیردیگی 10 عملیاتدا ”دوشمن“ هدفلرینه 37 بالیستیک راکت و پیلوتسوز اوچوش آپاراتی ایله هوجوملار تشکیل ائتدیگینی بیلدیرن حوثی، عملیاتلارین ایسرائیلین ایلات شهرینه قارشی حیاتا کئچیریلدیگینی بیلدیریب.
ایسرائیلین قیزیل دنیزده سیر و سفرینین اهمیتلی درجه‌ده آزالدیغینا دیقت چکن حوثی، ایسرائیلین غزه زولاغینا هوجوملارینین دایانمادیغی تقدیرده عملیاتلارینین داوام ائده‌جیینی وورغولاییب.
بو بارده آمریکا مرکزی تیمنلیغینین (سنتکام) ایکس سوسیال مدیا پلاتفورموندا ائدیلن آچیقلامادا آمریکانین دونن یئرلی واختلا 06:00-22:56 آراسیندا حوثیلره عایید ۴ پیلوتسوز اوچوش آپاراتینا قارشی "مدافعه هوجومو" حیاتا کئچیردیگی بیلدیریلیب، "بو حرکتلر سیر و سفر آزادلیغینی قورو‌ماق و اولوسلارآراسی سولاری آمریکا حربی دنیز قوه‌لری و تیجارت گمیلری اوچون داها خطرسیز ائتمک اوچون آتیلیر"، شکلینده پایلاشیلان بیاناتدا آمریکا تجهیزاتینا هئچ بیر زیان دیمدیگی وورغولاماسی داخیل ائدیلیب.
ایرانین دستکلدیگی حوثیلر ایسرائیلین غزه‌یه هوجوملارینا قارشیلیق اولاراق یمن ساحللرینده ایسرائیل شیرکتلرینه باغلی اولدوقلارینی بیلدیردیکلری تیجارت گمیلرینی اله کئچیرمیه، بعضیلرینه ایسه پیلوتسوز اوچوش آپاراتلاری و راکتلرله هوجوم ائتمیه باشلادیلار.
آمریکا قوه‌لری بو مدت عرضینده دفعه‌لرله یمندن آتیلان راکتلری و پیلوتسوز اوچوش آپاراتلاری ووردوقلارینی آچیقلاییب.
حوثیلرین حرکتلریندن سونرا بیر چوخ گمیچیلیک شیرکتی قیزیل دنیزده‌کی سیاحتلرینی دایاندیر‌ماق قرارینا گلیب.
آمریکا دسامبرین 18-ده گلوبال دنیز تیجارتی تهلوکه‌سیزلیگینین خطر آلتیندا اولدوغو اساسی ایله بیر گروه اؤلکه‌نین اشتراکی ایله حوثی قوه‌لرینه قارشی ”رفاه محافظه‌چیسی“ آدلی چوخ‌میللتلی ”دنیز میسیون گروهو“ یارادیلدیغینی آچیقلاییب.
ایلگیلی‌لی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوه‌سینده همکاری وانگ یی ایله گؤروشوب.
