گونئی کره-نین اها‌لیسی آزالیر

بو ایلین ژانویه آییندا گونئی کره-ده دوغولان اوشاق‌لارین سایی رکورد حده ائنیب، بو ایسه اها‌لی‌نین سرعتله قوجالماسی و دوغوش سویه‌سی‌نین چوخ آشاغی اولماسی سببیندن اؤلکه‌ده دموگرافیک وضعیتله باغلی ناراحات‌لیغی داها دا آرتیریب.

بو باره‌ده معلوماتی کره ایستاتیستیک ایداره‌سی یاییب. معلوماتا گؤره، 2024-جو ایلین ژآنویه آییندا گونئی کره-ده 21.442 اوشاق دونیایا گلیب کی، بو دا اوولکی ایله نیسبتن 7.7 فایز آزدیر. بو، ایستاتیستیک ایداره‌سی‌نین 1981-جی ایلده مووافیق معلومات‌لاری توپلاماغا باشلاماسیندان بری ژانویه آییندا قئیده آلینان ان آشاغی گؤستریجی‌دیر.

سون ایللرده آزالما داها دا سرعتلنیب و 2022-جی ایلین ژانویه سینده ایللیک 1 فایز، 2023-جو ایلین ژانویه سینده ایسه 5،7 فایز تشکیل ائدیب.

2000-جی ایلین ژآنویه آییندا یئنی دوغولموش کؤرپه‌لرین سایی 60 مینی کئچیب، بو رقم 2002-جی ایلده 50 مینه، 2016-جی ایلده ایسه 30 مینه دوشوب. 2020-جی ایلدن بری ژانویه آیی‌نین گؤستریجی‌سی 20.000 حدینده‌دیر.

عادتن ژآنویه آییندا اؤلکه‌ده داها چوخ یئنی دوغولموش کؤرپه‌لرین قئیده آلینماسینا باخمایا‌راق، آیلیق اولا‌راق 2023-جو ایلین مارس آیین‌دان بری ایلک دفعه‌دیر کی، یئنی دوغولموش کؤرپه‌لرین سایی 20 مینی اؤتوب.

کره دموگرافیک دییشیک‌لیک‌لر باش وئرمکده‌دیر، چونکی گنج‌لرین بیر چوخو دییشن سوسیال نورما‌لارا و حیات طرزینه اویغون اولا‌راق توی‌لارینی تاخیره سالماغی و یا ائولنمک‌دن و اوشاق صاحیبی اولماق‌دان ایمتینا ائتمگی سئچیر. اونلار، همچنین یوکسک منزیل قیمت‌لری، امک بازاریندا سرت رقابت و اؤلکه‌ده اقتصادی آرتیمین یاواشلاماسی ایله علاقه‌دار یارانان چتین‌لیک‌لرله اوزلشیرلر.

اؤتن ایل اؤلکه‌ده دوغولان اوشاق‌لارین سایی اوولکی ایله نیسبتن 7،7 فایز آزالا‌راق و 229 970 نفر سویه‌سینه دوشه‌رک رکورد گؤستریجییه چاتیب.

2072-جی ایله قدر کره-نین 2022-جی ایلدکی 44،9 یاش‌دان 63،4 یاشا قدر اولان ساکین‌لرین اورتا یاش حدی آرتدیقجا، یوکسک یاشلانما سویه‌سینه مالیک اؤلکه اولاجاغی گؤزلنیلیر.