دونالد ترامپ اینترنت اوزریندن اینجیل ساتیشینا باشلاییب
دونالد ترامپین اینترنت اوزریندن اینجیل ساتماسی، ای. جین کارول آدلی قادینا اؤدیهجهیی تضمینات و املاک سکتوروندا فیریلداقچیلیق ایشینده کسیلن جریمه سببییله مالی چتینلیگی یاشادیغی دوشونولور
نوامبردا آمریکادا کئچیریلهجک جمهورباشقانی سئچکیلرینده جمهوریتچیلر حیزبیندن کیفایت قدر نمایندهیه چاتاراق نامزدلیگینی تامین ائدن کئچمیش جمهورباشقانی دونالد ترامپ اینترنت اوزریندن اینجیل ساتیشینا باشلاییب.
دونالد ترامپ سوسیال مدیا حسابی تروث سوسیالدا یاییملادیغی ویدئودا سئچیجیلرینی اینجیل آلماغا چاغیریب.
ترامپ یازیسیندا بو هفته قوتلاناجاق "قوتسال جمعه" و "پاک" بایراملارینا توخوناراق، "مقدس هفتهنیز موبارک! آمریکانین یئنیدن عبادت ائتمهسینه سبب اولاق. قوتسال جمعه و پاک بایراملارینا یاخینلاشدیقجا سیزی اینجیل اوخوماغا دعوت ائدیریک. "تانری آمریکانی قوروسون." کیتابینین بیر نسخهسینی آلماغا دعوت ائدیرم." دئدی.
ترامپ ویدئودا "بوتون آمریکالیلارین ائولرینده اینجیل کیتابینا احتیاجی وار و مندهده چوخ وار. بو منیم سئویملی کیتابیمدیر. سیزی مقدس کیتابی آلماغا دستکلمکدن و تشویق ائتمکدن غرور دویورام." دئدی.
ترامپین ساتین آلینماسی اوچون یؤنلندیردیگی اینترنت سایتیندا اینجیل 59.99 دولارا ساتیلیر.
اینترنت سایتیندا دیزاینینین ترامپی کمپینین تظاهراتلرینده دستکلیین خالق موسیقیسی صنعتچیسی لی گرینوودون "تانری آمریکانی قوروسون" ماهنیسیندان ایلهاملاندیغی بیلدیریلن و جلد قابیغیندا آمریکا بایراغی اولان کیتابدان "جمهورباشقانی ترامپ طرفیندن دستکلنن یگانه اینجیل" کیمی بحث ائدیلیر.
دونالد ترامپین اینترنت اوزریندن اینجیل ساتماسی، سون آیلاردا محاکمه اولونان ای. جین کارول آدلی قادینا اؤدیهجهیی تضمینات و املاک سکتوروندا فیریلداقچیلیق ایشینده کسیلن جریمه سببییله مالی چتینلیگی یاشادیغی دوشونولور.
کئچمیش جمهورباشقانی سئچکی کمپینی چرچوهسینده اعانه توپلاماق اوچون داها اول سایتیندا ایدمان آیاققابیسی ایله اؤزونو آسترونوت، کابوی و سوپر قهرمان کاراکترلری کیمی گؤسترن اویون کارتلاری کیمی اشیالاری ساتیشا تقدیم ائتمیشدی.
ایلگیلیلی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوهسینده همکاری وانگ یی ایله گؤروشوب.