دمیتری پسکوو: آمریکا دیقتلری داغیتماق ایستییر
پسکوو آمریکانین کروکوس سیتی حالدا تؤردیلن ترور حادیثه‌سینه گؤره داعش‌ین مسئولییت داشیماسی احتیمالیندا اصرار ائده‌رک دقتی یاییندیرماغا چالیشدیغینی بیلدیریب
روسیه جمهورباشقانلیغی سؤزچوسو دمیتری پسکوو آمریکانین کروکوس سیتی هالدا تؤردیلن ترور حادیثه‌سینه گؤره داعش‌ین مسئولییت داشیماسی احتیمالیندا اصرار ائده‌رک دقتی یاییندیرماغا چالیشدیغینی بیلدیریب.
پسکوو ”ایزوستیا“ قزئتینه وئردیگی موصاحیبه‌ده "بیز تحقیقات هله ده داوام ائتدیگی اوچون تک بیر احتیمال اوزرینه دورمازکن، آمریکالیلارین تک بیر احتیمالی گوندمده ساخلا‌ماق جسارتینین اولماسی غریبه‌دیر. بو، البته کی اونلار باشقا بیر احتیمالین نظردن قاچیریلماسینی ایستییرلر معناسینا گلیر." دئدی.
پسکوو دئییب کی، آمریکا، اوکراین و دیگر اؤلکه‌لرین بیاناتلاری ایله نه‌یی هدفله‌دیگینی باشا دوشمک اوچون صبیرلی اولماق و روسیه کشفیات و استنطاق ارگلارینین ایشلرینی تاماملاماسینی گؤزله‌مک لازیمدیر.
روسیه فدرال تهلوکه‌سیزلیک خیدمتینین رهبری الکساندر بورتنیکوو کنسرت سالونونا هوجومون آرخاسیندا آمریکا، اینگیلیستان و اوکراینین اولدوغونو آچیقلاییب.
جمعه گونو هوجومدا 140 نفر حیاتینی ایتیریب.
ایلگیلی‌لی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوه‌سینده همکاری وانگ یی ایله گؤروشوب.
