بمت "اولوسلار آراسی صیفیر توللانتی گونو" موناسیبتیله راپور یاییملادی
بیرلشمیش میللتلر تشکیلاتینین اطراف موحیط پروقرامی (UNEP) "اولوسلار آراسی صیفیر توللانتی گونو" ایله باغلی قیدا توللانتیلاری اندکسی 2024 راپورونو درج ائدیب.
2022-جی ایلده دونیادا گونده 1 میلیارددان چوخ یئمگین اصراف ائدیلدیگی معین ائدیلیب.
بیرلشمیش میللتلر تشکیلاتینین اطراف موحیط پروقرامی (UNEP) "اولوسلار آراسی صیفیر توللانتی گونو" ایله باغلی قیدا توللانتیلاری اندکسی 2024 راپورونو درج ائدیب.
راپورا اساساً، 2022-جی ایلده 1،05 میلیارد توندان چوخ قیدا توللانتیلاری تولید اولونوب کی، بو دا آدامباشینا 132 کیلوگراما و بوتون دونیادا مصرف ائدیلن قیدانین هر 5-دن 1-نه برابردیر.
2022-جی ایلده قلوبال میقیاسدا گونده 1 میلیارددان چوخ یئمک اصراف ائدیلیب، تخمینن 783 میلیون اینسان آجلیقلا موباریزه آپاریر و دونیانین هر 3-ده 1-ی قیدا چاتیشمازلیغی ایله اوزلشیر.
قیدا اصرافی ایللیک ایستیخانا گازی انتشارینین تخمینن 10 فایزینی تشکیل ائتدیگی حالدا، بو نیسبت هاواجیلیک صنایعسینین تخمینن 5 قاتینا برابردیر. توللانتیلارین دگری تخمینن 1 تریلیون دولاردیر.
بیرلشمیش میللتلر تشکیلاتینین اطراف موحیط پروقرامینین اجرا مودیری اینگر اندرسن دئییب: "ارزاق اصرافی بوتون دونیادا بئله داوام ائدرسه، میلیونلارلا اینسان آج قالاجاق".
قیدا اصرافینین دا ایقلیمه و اطراف موحیطه منفی تأثیر ائتدیگینی بیلدیرن آندرسن اؤلکهلری بو وضعیتین قارشیسینی آلماغا چاغیریب.
ایلگیلیلی خبرلر
غزهیه هئچ بیر شئی و هئچ کیمین گیریش چیخیشینا ایجازه وئریلمیر
"وطنداشلار، غزهده اؤلدورولور، آجلیغا معروض بوراخیلیر و بیزیم اونلارا کؤمک ائتمهمیزه مانع تؤردیلیر"