آمریکا بیرلشمیش میللتلر راپورونو رد ائتدی
"راپورون اؤزو ایله باغلی اولاراق، سویقیریم ادعالارینین اساسسیز اولدوغونا ایناندیغیمیزی آچیقجا ایفاده ائتدیک"
آمریکا بیرلشمیش دؤولتلری، ایسرائیلین غزهده سویقیریم اویقولادیغینی آچیقلایان بیرلشمیش میللتلر راپورونو رد ائتدی.
بیرلشمیش میللتلر فیلیسطین اؤزل راپورچوسو فرانچسکا آلبانزه، ایسرائیلین سویقیریم سوچو ایشلدیگینه دقت چکهرک،
"دونیانین ایسرائیلدن حساب سوروشماماسی غزهده سویقیریما یول آچیر. غزهدهکی سویقیریم، اوزون مدتدیر داوام ائدن یئرلهشیمچی موستملکه سۆرهجینین ان اوج مرحلهسیدیر" آچیقلاماسینی وئردی.
تحریم تطبیق ائتمهیه ده چاغیردی.
آلبانزهنین بو آچیقلاماسی آمریکانی راحاتسیز ائتدی.
آمریکا خاریجی ایشلر باخانلیغی سؤزچوسو متیو میلر، اؤلکهسینین بو راپورو قبول ائتمهدیگینی، ایسرائیلین "سویقیریم تۆرهتمهدیگینی" ادعا ائتدی.
"راپورون اؤزو ایله باغلی اولاراق، سویقیریم ادعالارینین اساسسیز اولدوغونا ایناندیغیمیزی آچیقجا ایفاده ائتدیک. آنجاق عینی زاماندا غزهدهکی وطنداش ایتکیلرینین ساییسیندان دا درین قایغی دویوروق" دئیهن میلر، ایسرائیله دستکلرینین سۆردوگونو بیلدیردی.
آمریکالی سؤزچو، راپورنو آچیقلایان فیلیسطین اؤزل راپورچوسو آلبانزهنین آنتیسمیتیک سؤزلردن ایستیفاده ائتدیگینی ادعا ائتدی.
ایلگیلیلی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوهسینده همکاری وانگ یی ایله گؤروشوب.