فرانسه جمهورباشقانی امانوئل ماکرون برزیله سفر ائدیب
سیلوا و ماکرونون آمازونداکی قواژارا کؤرفزی اوزریندن جومبو آداسینا گئدهجکلری و اوراداکی کاکائو گلیشمه پروژهسینی آراشدیراجاقلار
فرانسه جمهورباشقانی امانوئل ماکرون برزیله 3 گونلوک رسمی سفری چرچوهسینده جمهورباشقانی لوئیز ایناسیو لولا دا سیلوا ایله گؤروشوب.
امانوئل ماکرون آمازون بؤلگهسیندهکی بلم شهرینده همکاری لولا دا سیلوا ایله گؤروشوب.
ماکرون آمازونون ان تانینمیش و ان اوزون عؤمورلو مدافعهچیلریندن ساییلان کایاپو قبیلهسیندن اولان 92 یاشلی راونی مئتوکتیره-یه ”میللی نیشان“ وئریب.
برزیل خاریجی ایشلر ناظرلیگیندن وئریلن آچیقلامادا سیلوا و ماکرونون آمازونداکی قواژارا کؤرفزی اوزریندن جومبو آداسینا گئدهجکلری و اوراداکی کاکائو گلیشمه پروژهسینی آراشدیراجاقلاری قید ائدیلیب.
آچیقلامادا ماکرونون صاباح ریودوژانیرودا هر ایکی اؤلکهدن 200 ایشآدامی ایله گؤروشهجیی، داها سونرا ایسه سائو پائولویا گئدهجیی بیلدیریلیب.
فرانسه جمهورباشقانی ماکرونون مارسین 28-ده پایتخت برزیلیادا لولا دا سیلوا طرفیندن دؤولت مراسیمی ایله قارشیلاناجاغی بیلدیریلیب.
ایلگیلیلی خبرلر
جوزپ بورل فیلیسطین دؤولتینی تانییاجاق اؤلکهلری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.