آمریکا خاریجی ایشلر ناظیری ایسرائیلین ساوونما ناظیری ایله گؤروشوب

آمریکا خاریجی ایشلر ناظیری آنتونی بلینکن ایسرائیلین رفح شهرینه قارشی ”قورو عملیاتی“نا آلترناتیولرین اولدوغونو بیان ائدیب.

آمریکا دولت دپارتمانیندان وئریلن آچیقلامایا گؤره، بلینکن پایتخت واشینگتوندا ایسرائیلین ساوونما ناظیری یوآو گال‌لانت‌ ایله گؤروشوب.

گؤروش زامانی بلینکن رفح شهرینه قارشی ”قورو عملیاتی“نا قارشی اولدوقلارینی و بونون آلترناتیولرینین اولدوغونو وورغولاییب.

بلینکن همچنین ایسرائیل ناظیری‌ ایله غزه‌ده مولکی اهالینین احتیاجلارینی اؤده‌مک اوچون اینسانی یاردیمین درحال آرتیریلماسینی مذاکره‌ ائدیب.