جوزپ بورل: اوروپا وطنداشلاری دونباس اوچون اؤلمیه‌جک

اوروپا دیپلوماسی‌سینین رهبری جوزپ بورل بیلدیریب کی، اوروپا اتفاقی روسیه-اوکراین ساواشیندا ایشتیراک ائتمیر و اؤز وطنداشلارینی دونباس‌ اوغروندا دؤیوشه گؤندرمک نییتینده دئییل.

"مسئله‌نی بؤیوتمه‌ملیییک، ساواش قاچیلماز دئییل. <…> بیز صلح شرایطینده یاشاییریق، اوکراینی دستکلییریک. بیز بو ساواشین بیر پارچاسی دئییلیک" دئین بورل خلقی لازیمسیز پانیک یاراتماماغا چاغیریب.

بروکسلده کئچیریلن اوروپا بیرلیگی زیروه‌سینده چیخیش ائدن بورل علاوه‌ ائدیب: اوکراینا یاردیمین ضروریلیگی قاچیلمازدیر. بیز بونو دئینده دونباس اوچون گئدیب اؤلمکدن دانیشمیریق. دئمک ایستدیگیمیز اودور کی، اوکراینلیلارا دونباسدا اؤلدورولمه‌مک اوچون کؤمک ائدک. یا دا کی، کی‌یف بومبالاناندا اؤلمسینلر.

روسیه خاریجی ایشلر ناظرلیگینین سؤزچوسو مارییا زاخارووا بورلین سؤزلرینه ایگنه‌لییجی جاواب وئریب. زاخارووا تلگرام کانالیندا "چونکی اؤلولر ایکینجی دفعه‌ اؤلمور" دئیه یازیب.

فوریه‌نین سونوندا فرانسه رئیس‌جمهوری امانوئل ماکرون اوکراینا قوشون گؤندرمه‌نین مومکون اولدوغونو بیلدیریب.