ویتنامدا جمهور باشقانی استعفا وئردی
وو وان توونگون پارتینین ایدعالارینی "پوزدوغو"، بو وضعیتین منفی اجتماعی نظره سبب اولدوغو، پارتینین، اؤلکهنین و توونگون "اعتیبارینا تأثیر ائتدییی" بیلدیریلیب
گونئی-دوغو آسیا اؤلکهسی ویتنامدا جمهور باشقانی وو وان توونگون وظیفهدن استعفا وئردیگی بیلدیریلیر.
ویتنام نیوز سایتینین معلوماتینا گؤره، ویتنام کومونیست پارتیسینین مرکزی کومیتهسی مسئلهیله باغلی بیانات وئریب.
بیاناتدا وو وان توونگون پارتینین ایدعالارینی "پوزدوغو"، بو وضعیتین منفی اجتماعی نظره سبب اولدوغو، پارتینین، اؤلکهنین و توونگون "اعتیبارینا تأثیر ائتدییی" بیلدیریلیب.
بیاناتدا پارتینین و دولتین اَساس لیدئرلریندن بیری اولدوغو بیلدیریلن توونگون وظیفهسیندن ”کؤنوللو“ استعفا وئردیگی و مرکزی کومیتهنین استعفانی قبول ائتدیگی بیلدیریلیب.
بیاناتدا پایلاشیلیب کی، توونگون جمهور باشقانی اولماقلا یاناشی، ویتنامدا اَن یوکسک قرار آلان ارگ کیمی تانینان 16 عضودن عبارت سیاسی ایداره عضوو، حیزبنین مرکزی کومیتهسینین عضوو و 2021-2026-جی ایللر اوچون میللی مدافعه و تلوکهسیزلیک شوراسینین صدری کیمی وظیفهلرینه ده سون وئریلیب.
نگویئن خوان فوج 2023-جو ایلین ژانویهیندا ویتنامدا جمهور باشقانی وظیفهسیندن استعفا وئردیکدن سونرا 2023-جو ایلین مارسیندا ویتنام میللی مجلیسینده کئچیریلن سسوئرمهده ویتنام کومونیست پارتیسی مرکزی کومیتسینین نامزدی وو وان توونگ یئنی جمهور باشقانی سئچیلدی.
اؤلکهنین جنوبونداکی وینح لونگ بؤلگهسینده آنادان اولان 54 یاشلی توونگ فلسفه اوزره ماستر درجهسینه صاحیبدیر.
ایلگیلیلی خبرلر
جوزپ بورل فیلیسطین دؤولتینی تانییاجاق اؤلکهلری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.