نیجریه اوردوسوننان بوکوحرام و ایسواپ ترور تشکیلاتلارینا قارشی عملیات

نیجریه اوردوسو زامفارا و نیجر ایالتلرینده حیاتا کئچیریلن هاوا عملیاتیندا چوخلو ترورچونون ضررسیزلشدیریلدی‌یینی بیلدیریب.

نیجریه حربی هاوا قوه‌لرینین سؤزچوسو ادوارد گابکوئت ترور تشکیلاتی داعشین باتی آفریقا ‌قولو اولان ایسواپین فعالیت گؤستردیگی زامفارا ایالتینین کاجها‌له دامینا و نیجر ایالتینین پاله‌له بؤلگه‌لرینده ترورچولارین یئرلشدیگی یئرلرده هاوا عملیاتلارینین حیاتا کئچیریلدیگینی بیلدیریب.

گابکوئت قید ائدیب کی، عملیاتلار زامانی آرالاریندا بیر دسته لیدر‌ ده داخیل اولماقلا چوخلو ترورچو اؤلدورولوب، چوخلو سایدا ترورچو یارالانیب.

ترورچولارین سیغیندیغی دوشرگه‌لرین و لوجیستیک آنبارلارینین محو ائدیلدیگینی بیلدیرن گابکوئت ترورچولارا مخصوص چوخلو سایدا سلاح و مهمات اَله کئچیریلدیگی باره‌ده معلومات پایلاشیب.

نیجریه سون زامانلار اؤلکه‌نین موختلیف بؤلگه‌لرینده سلاحلی دسته‌لرین، ائله‌جه‌ده بوکوحرام و ایسواپ ترور تشکیلاتلارینین هوجوملاری‌ ایله اوزلشیر.