ایسرائیله 35 مین تون سلاح و مهمات گؤندریلیب

اکتبرین 7-دن غزه‌ زولاغینا هوجوم ائدن ایسرائیله 35 مین تون سلاح و مهمات گؤندریلیب.

”ایسرائیل هایوم“ قزئتینده درج اولونان خبرده اکتبرین 7-دن بو یانا اؤلکه‌یه اکثریتی آمریکادان اولماقلا موختلیف اؤلکه‌لردن 300-دن چوخ اوچاق و 50-یه یاخین گمی‌ ایله 35 مین تون سلاح و مهمات گؤندریلدیگی بیلدیریلیب.

قید اولونوب کی، ایسرائیلین اَساس سلاح تداروکچوسو آمریکا اولوب و اولماقدا داوام ائدیر، سلاح داشیمالارینین ایسه کیچیک بیر حیصه‌سینین بعضی باشقا اؤلکه‌لردن حیاتا کئچیریلدیگی قید ائدیلیب.

بیلدیریلیب کی، سؤزوگئدن سلاح گؤندریشی آمریکانین غزه‌ زولاغینا هوجوملارینی داوام ائتدیرن ایسرائیل اوردوسونا آچیق دستیینین ثبوتو اولماقلا یاناشی، شمال جبهه‌سینده حزب‌الله‌-آ قارشی دؤیوش حاضرلیغینی دا دستکلییر.

خبرده همچنین قید اولونوب کی، ایسرائیلین یوکسک روتبه‌لی تهلوکه‌سیزلیک رسمیلری واشینگتون و تل-اَویو حؤکومتلری آراسیندا غزه‌‌یله باغلی آرتان گرگینلییه گؤره آمریکانین ایسرائیله سلاح تداروکونو یاواشلاما احتیمالیندان ناراحاتدیرلار.

ایسرائیلین غزه‌ زولاغینا تشکیل ائتدیگی هوجوملاردا اکثریتی اوشاق اولماقلا 32 مینه یاخین جان ایتکیسی قیده آلینیب.