اوروپا ایتیفاقی اوکراین اوچون 5 میلیارد یورو فونو اونایلادی
اوروپا ایتیفاقی شوراسی ”اوروپا صلح فونو“ آدلی مالی فونو 5 میلیارد یورو آرتیریلیب و بو فون چرچوهسینده ”اوکراینا یاردیم فونو“ یارادیلیب
اوروپا بیرلیگی شوراسی روسیهیله 2 ایلدن چوخدور موباریزه آپاران اوکراینا حربی یاردیم اوچون استفاده ائدیلن فونون 5 میلیارد یورو آرتیریلاجاغینی آچیقلاییب.
اوروپا بیرلیگی شوراسینین وئردیگی آچیقلامایا گؤره، ”اوروپا صلح فونو“ آدلی مالی فونو 5 میلیارد یورو آرتیریلیب و بو فون چرچوهسینده ”اوکراینا یاردیم فونو“ یارادیلیب.
اوکراینا یاردیم فونو چرچوهسینده اوکراین سلاحلی قوهلرینین احتیاجلارینین حربی تکنیک و تعلیم واسطهسیله قارشیلانماسی هدفلنیر.
اوروپا بیرلیگینین خاریجی علاقهلر و تهلوکهسیزلیک سیاستی اوزره عالی نمایندهسی جوزپ بورل، قبول ائدیلن قرار اوروپا بیرلیگینین اوزرینه گؤتوردویو تعهدلری یئرینه یئتیردیگینی گؤستردیگینی بیلدیریب،
"بو فون ایله بیز اوکراینا نه لازیمدیرسه و روسیهنین محاربهسیندن مدافعهسی اوچون لازیم اولان مدتده دستک وئرمیه داوام ائدهجییک." دئدی.
قراردان سونرا اوروپا صلح فونونون 2021-2027-جی ایللر اوچون مالی یوخاری حدی 17 میلیارد یورویو کئچیب.
اوروپا بیرلیگینین اوکراین اوردوسونا وئردیگی عمومی دستیین حجمی 33 میلیارد یورو اولاراق قیمتلندیریلیر.