آمریکا و اینگیلیستان حدیده شهرینه هاوا هوجومو تشکیل ائدیب
آمریکا و اینگیلیستان سون 24 ساعات عرضینده حدیدهنین موختلیف بؤلگهلرینه 10 هاوا سالدیریسی ائندیریب
یمنده ایرانین دستکلدیگی حوثیلر، آمریکا و بریتانیا گوجلرینین اؤلکهنین باتیسینداکی حدیده شهرینه داها 6 هاوا هوجومو تشکیل ائتدیگینی آچیقلاییب.
حوثیلره مخصوص المسیره تلویزیونو آمریکا و اینگیلیستانین حدیدهده حیاتا کئچیردیگی هوجوملارین سایی ایله باغلی جاری رقمی پایلاشیب.
بونا اویغون اولاراق سون 24 ساعات عرضینده حدیدهنین موختلیف بؤلگهلرینه 10 هاوا سالدیریسی ائندیریلیب.
حوثیلر همچینین ایسرائیلین اوکتبرین 7-ده غزه زولاغینا هوجوموندان سونرا قیزیل دنیز و عدن کؤرفزینده ایسرائیل، آمریکا و اینگیلیستانا مخصوص 73 گمینی هدف آلدیقلارینی دا آچیقلاییب.
حوثیلرین لیدری عبدالملک الحوثی المسیره تلویزیونونداکی چیخیشیندا ایسرائیلین غزه زولاغینا هوجوملاری و بونا قارشی حرکتلر ایله باغلی آچیقلامالار وئریب.
حوثی لیدئری "بیز غزهده فیلیسطین خالقینا دستک اوچون عملییاتلاریمیز باشلایان نوامبردان بری قیزیل دنیز و عدن کؤرفزینده 73 گمی وه بارژی (ایسرائیل، آمریکا وه بریتانیا ایله علاقلی) هدف آلدیق" دئدی.
گلوبال تیجارتین تخمینن 12 فائیزی مدیترانه دنیزینی قیزیل دنیزله بیرلشدیرن و اوروپا ایله آسیا آراسیندا ان قیسا یول تکلیف ائدن سوئز کانالی واسطهسیله حیاتا کئچیریلیر.
ایلگیلیلی خبرلر
جوزپ بورل فیلیسطین دؤولتینی تانییاجاق اؤلکهلری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.