اوکراین روسیه‌ده اوچ نفت آریندیراغینی ووردو
روسیه‌ده ریازان، کستوفو و کیریشی شهرلرینده اوچ نفت آریندیراغی اوکراین تهلوکه‌سیزلیک خیدمتینین تشکیل ائتدیگی پیلوتسوز اوچوش آپارات هوجومونا معروض قالیب
روسیه‌ده اوچ نفت آریندیراغی (ریازان، کستوفو و کیریشی شهرلرینده) اوکراین تهلوکه‌سیزلیک خیدمتینین تشکیل ائتدیگی پیلوتسوز اوچوش آپارات هوجومونا معروض قالیب.
بو باره‌ده اوکراین مطبوعاتی اوکراین تهلوکه‌سیزلیک خیدمتینده‌کی منبعه ایستینادن معلومات یاییب. الده ائدیلن معلوماتا گؤره، هوجوملار روسیه نفت آریندیراقلارینا قارشی حیاتا کئچیریلن خوصوصی عملیاتلارین بیر حصه‌سیدیر.
سؤزوگئدن منبع بیلدیریب کی، "روسیه فدراسیونونون ایقتیصادی پوتانسیلینین آزالدیلماسی ایله باغلی اطرافلی شکیلده یاراتدیغیمیز استراتژیمیزی سیستملی شکیلده حیاتا کئچیریریک. مقصدیمیز دوشمنی اؤز قایناقلاریندان محروم ائتمک و تجاووزکارین بیرباشا موحاریبیه و اوکراین وطنداشلارینین اؤلدورولمه‌سینه کؤچوردویو نفت گلیرلرینی و یاناجاقلاری آزالتماقدیر."
ریازان ویلایتی یؤنتیمی معلوماتینا گؤره، هوجوم نتیجه‌سینده سحر ساعات 7 جیواریندا ریازان شهرینده‌کی فابریکادا یانغین باش وئریب. یانغین 4 ساعاتدان سونرا کنترل آلتینا آلینیب. کستوفو و کیریشی شهرلرینده پیلوتسوز اوچوش آپارات هوجوملارینین نتیجه‌لری ایله باغلی رسمی اورگانلار هله‌لیک آچیقلاما وئرمییب. لاکین لنینگراد ویلایتینین والیسی (کیریشی شهری بو بؤلگده یئرلشیر) سحر ساعاتلاریندا نفت آریندیراغینا هوجوم ائتمیه جهد ائدن پیلوتسوز اوچاغین وورولدوغونو آچیقلاییب.
روسیه فدراسیونو ساوونما ناظیرلیگینین معلوماتینا گؤره، گئجه وه سحر ساعاتلاریندا روسیه بؤلگه‌لری اوزرینده 60-دان چوخ اوچوش آپاراتی محو ائدیلیب.
