لیتوانیده روسیه‌ دؤولت نؤمره نیشانلی ماشینلاردان ایستیفاده قاداغاندیر

لیتوانیده روسیه‌نین کالینینگراد ویلایتینه اؤلکه اراضیسیندن گئدیب-گلن دیپلوماتیک ماشینلار ایستیثنا اولماقلا، روسیه‌ دؤولت نؤمره نیشانلی ماشینلاردان ایستیفاده قاداغاندیر.

لیتوانی گؤمروک ایداره‌سینین وئردیگی آچیقلامایا گؤره، مارتین 11-دن اعتیبارن روسیه‌ دؤولت نؤمره نیشانلی ماشینلاردان ایستیفاده ائدنلر قانونو پوزموش حساب اولوناجاق و اینضیباتی خطالار مجلله‌سینه اویغون اولاراق مسولییته جلب اولوناجاقلار.

آچیقلامادا، لیتوانیده تخمینن 50 روسیه‌ نؤمره‌لی ماشینین اولدوغو و اونلارین صاحیبلرینین 6 مین 561 دولارا قدر پول جزاسی ایله اوزلشدیگی و اؤلکه‌نی ترک ائتمدیکلری تقدیرده بو واسیطه‌لرین موصادیره ائدیله‌جیی بیلدیریلیب.

لیتوانی اوزریندن روسیه‌نین کالینینگراد ویلایتینه گئدن و یا بو بؤلگه‌دن گلن روسیه‌ وطنداشلارینین مووافیق سندلری اولماسی و لیتوانی اراضیسیندن ترانزیتین 24 ساعاتدان چوخ داوام ائتمه‌مسی شرطی ایله قاداغادان آزاد ائدیله‌جیی بیلدیریلیب.

بوندان علاوه، دیپلوماتیک ماشینلار دا قاداغادان آزاد ائدیله‌جک.

لیتوانی اوروپا کومیسیونونون تؤوصیه‌سی ایله سپتامبر آییندا روسیه‌ دؤولت نؤمره نیشانلی ماشینلارین اؤلکه‌یه گیریشینی قاداغان ائدیب.