ایسرائیل پرزیدنتی اسحاق هرتزوگ آمستردامدا پروتستو ائدیلدی

هولوکوست موزه‌‌سینین آچیلیشی و رسمی سفری چرچیوسینده هلندین پایتاختی آمستردامدا ایسرائیل پرزیدنتی اسحاق هرتزوگا اعتیراض ائدیلیب.

پایتاختداکی هولوکوست موزه‌‌سی یاخینلیغیندا مینلرله هلندلی توپلاشیب.

«کئچمیشی خاتیرلا، جینایتکاری توت»، «فیلیسطینه آزادلیق»، «سوی‌قیریمی دایاندیر»، «یهودیلر سوی‌قیریمین علیهینه‌دیر»، «یهودیلیک صهیونیزمی رد ائدیر» و "هرتزوگ، سن بورادا ایستنمیرسن" یازیلی پلاکاتلار داشییاراق موزه‌یه گئدن یوللار بویو مئیدانلارا توپلاشدیلار.

یهودی گروپلاری دا داخیل اولماقلا مینلرله اعتیراضچی موزه‌یی آچان کرال ویللئم-الکساندر و هرتزوگا قارشی شعارلار سسلندیریب.

فیلیسطین بایراقلاری دالغالاندیران اعتیراضچیلار "آمستردام سوی‌قیریما یوخ دئییر!" شعارینی قیشقیردیلار.

اعتیراضچیلاردان بعضیلری هرتزوگون یولو اوزرینده «گئری قاییدین، اولوسلارآراسی جینایت محکمه‌سینه گئدن یولو ایزله‌یین» یازیلاری ایله دایاندیلار.

یئرلی مئدیانین معلوماتینا گؤره، دیوارلارا فیلیسطین مؤوضوعلو استیکرلر یاپیشدیران قادین ائتیرازچی پولیس طرفیندن ساخلانیلیب.