ترامپین رقیبی هیلی گئری چکیلدی
15 ایالتده کئچیریلن "سوپر چرشنبه آخشامی" سئچکیلرینده نیکی هیلی یالنیز ورمونت ایالتینده غالیب گلیب و قالان بوتون ایالتلری رقیبی ترامپا اودوزوب
آمریکادا 2024-جو ایل پرزیدنت سئچکیلرینده جومهوریتچی آدای نیکی هیلی اؤن سئچکیلردن چکیلدیگینی رسمن آچیقلاییب.
جومهوریتچی آدای هیلی آمریکانین کئچمیش پرزیدنتی دونالد ترامپین «سوپر چرشنبه آخشامی» آدلانان اؤن سئچکیلردن آچیق-آشکار لیدر اولماسیندان سونرا یاریشدان چکیلمک قرارینی آچیقلاییب.
آمریکانین بیرلشمیش میللتلر تشکیلاتینداکی کئچمیش دایمی نومایندسی هیلی گونئی کارولینا ایالتینده کئچیردیگی مطبوعات کنفرانسیندا «پارتیمیزین داخیلینده و خاریجینده اونو دستکلمینلرین سسینی قازانماق ایندی دونالد ترامپین الیندهدیر» دئییب.
"بؤیوک اؤلکهمیزین هر یانیندان آلدیغیمیز دستیه گؤره میننتدارام، لاکین کامپانیامی دایاندیرماغین واختیدیر." دئین هیلی چیخیشیندا بوندان سونرا ترامپی دستکلیجیی ایله باغلی هئچ بیر آچیقلاما وئرمییب.
چرشنبه آخشامی گونو 15 ایالتده کئچیریلن "سوپر چرشنبه آخشامی" سئچکیلرینده نیکی هیلی یالنیز ورمونت ایالتینده غالیب گلیب و قالان بوتون ایالتلری رقیبی ترامپا اودوزوب.