آمریکا استخباراتینین اوکراینایا دستگی افشا اولدو
سی‌آی‌ای‌ین اوکراینادا ۱۴ گیزلی مرکز قوروب، تجهیزات و استخبارات دستگی تامین ائد‌رک، روسیا ایله ۲.جی ایلینی دولدوران ساواشدا جدی بیر رول اوینادیغی اورتایا چیخدی
آمریکا بیرلشمیش دؤولتلری مرکزی استخبارات تشکیلاتینین (سی‌آی‌ای) اوکراینادا ۱۴ گیزلی مرکز قوروب، تجهیزات و استخبارات دستگی تامین ائد‌رک، روسیا ایله ۲.جی ایلینی دولدوران ساواشدا جدی بیر رول اوینادیغی اورتایا چیخدی.
آمریکادا یاییملانان د نیویورک تایمز قزئتینین اوکراینالی و آمریکالی اوست سویه استخبارات مقاملارینا دایاندیردیغی خبرینده، ایکی اؤلکه استخباراتلاری آراسینداکی ایلیشکینین، فوریه ۲۰۲۲ده باشلایان روسیا-اوکراینا ساواشیندان تخمیناً ۸ ایل اؤنجه‌سینه دایاندیغی وورغولاندی.
ایکی اؤلکه آراسینداکی استخبارات امکداشلیق روسیا-اوکراینا ساواشیندا دا داوام ائدرکه‌ن، خبرده واشینگتنون اؤلکه‌ده‌کی پرسنلینی چیخارماسینا قارشی جاسوسلارینی بوراخدیغینا دقت چکدی.
خبرده، سی‌آی‌ای‌ین، اوزون ایللردیر اوکراینا استخبارات بیریملرینه تعلیم، تجهیزات و استخبارات دستگی وئردیگی، اؤلکه‌ده ۱۴ گیزلی مرکز قوردوغو و ۲۰۲۲ده‌کی ساواشین باشلاماسییلا اوکراینانین ساوونماسینا بؤیوک قاتقی وئردیگی قید ائدیلدی.
خبره گؤره، سی‌آی‌ای ایله اوکراینا استخبارات بیریملری آراسینداکی یاخینلیق ساواشدان تخمیناً ۸ ایل اؤنجه‌سینه دایانارکه‌ن، اوچ فرقلی آمریکا باشقانی دؤنمینده ده سۆردو.
سووئتلر بیرلیگینین داغیلماسینین آردیندان اوزون بیر مدت روسیا ایله یاخین گؤرونه‌ن کیئو رهبرلیگی، ۲۰۱۴ده آمریکا ایله یاخینلاشماغا باشلادی.
سی‌آی‌ای، ۲۰۱۶دا روس استخباراتینین شیفره‌له‌مه سیستملرینی قیرابیلمه‌لری، روس اینسانسیز هاوا آراجلارینی و ارتباط تجهیزاتینی اله گئچیره‌بیلمه‌لری اوچون اوکراینالی اؤزل کوماندو بیرلیکلرینه تعلیم وئردی.
تعلیم وئریله‌ن اؤزل کوماندو بیرلیگینده‌کی عسگرلردن بیری اولان ژنرال کیریلو بودانوو، آگوست ۲۰۲۰دن بو یانا اوکراینا ساوونما باخانلیغی استخبارات آنا مودورلوگونو ایداره ائدیر.
اؤته یاندان، سی‌آی‌ای آیریجا روسیا، آوروپا، کوبا و روسلارین چوخ اولدوغو دیگر یئرلرده فعالیت گؤستره‌ن اوکراینالی استخبارات پرسنلینین تعلیمینه ده کؤمک ائتدی.
سی‌آی‌ای جاسوسلاری، ساواش اثناسیندا روسیانین هوجوم ائتمه‌یی پلانلادیغی یئرلر و ایستیفاده ائدجگی سلاح سیستملرینه دایر حساس اؤنمده‌کی بیلگیلری اوکراینا ایله پایلاشارکه‌ن، دؤنمین ایچ استخبارات بیریمی اوکراینا گوونلیک سرویسینین باشقانی ایوان باکانوو، "اونلار اولمادان روسیایا مقاومت گؤسترمه‌نین یا دا اونلاری مغلوب ائتمه‌نین ایمکانی اولمازدی" دئدی.
طرفلر آراسینداکی امکداشلیغین داوامینین تعهدو اولاراق، سی‌آی‌ای مودورو ویلیام ژ. بورنس، ساواشین باشلانغیجیندان بو یانا اوکراینایا ۱۰ دفعه گئتدی.
