تایوان ایلک یئرلی ایستحصال سوآلتی قاییغینی سیناقدان کئچیردی
تایوان اولوسلارآراسی گمی ایستحصال شیرکتی، "ناروهال"ین لیمان قبولو سیناقلارینین سون مرحلهسینه داخیل اولدوغونو آچیقلادی
تایوان "ناروهال" (دئنیز کرگدانی) آدلی "مودافیعه تیپلی" اؤز سوآلتی قاییغینی ایلک دفعه سودا سیناقدان کئچیردیگینی آچیقلاییب.
تایوان اولوسلارآراسی گمی ایستحصال شیرکتی، "ناروهال"ین لیمان قبولو سیناقلارینین سون مرحلهسینه داخیل اولدوغونو آچیقلادی.
شیرکت رسمیلری بیلدیریبلر کی، 7 ساعاتدان چوخ داوام ائدن اوزمه قابیلییتی سیناغی کاوهسیونگ شهریندهکی لیماندا آپاریلیب.
کئچن ایل ناروهالین رسمی بوراخیلیش مراسیمیندهکی چیخیشیندا تایوان لیدری، تسای اینگ-ون یئرلی ایستحصال اولان سوآلتی قاییغین "دنیز دونانماسینین آسیمتریک دؤیوش قابیلییتی اوچون کریتیک اهمییت داشیدیغینی" وورغولادی و بونون تایوانین "مودافیعه اؤزارکلیگینه" تؤحفه وئرهجگینی بیلدیردی.
چین مودافیعه ناظیرلیگینین سؤزچوسو وو چیئن ده تایوانین تشبوثونو تنقید ائدیب و "تایوان حاکیمییتی نه قدر سیلاح ایستحصال ائتسه و یا آلسا دا، میلی اینتگراسیونون عمومی یؤنلیمی و چین اوردوسونون میلی موستقیللیگی و اراضی بوتؤولویونو مودافیعه ائتمک ایرادهسینی و باجاریغینی دایاندیرا بیلمیهجکلر» دئدی.