دونیادا فیلیسطینه دستک گؤستریلری داوام ائدیر

ایسرائیلین غزه‌یه قارشی سالدیریلاری داوام ائدرکه‌ن، دونیادا فیلیسطینه دستک گؤستریلری ده داوام ائدیر.

ایسپانیادا یوز مینلرله اینسان، ایسرائیل ایله سلاح تیجارتینین قاداغان ائدیلمه‌سی و فیلیسطینه دستک اوچون یئریدی.

"فیلیسطینده سوی‌قیریمی دوردور‌راق. ایسرائیل ایله ایلیشکیلره و سلاح تیجارتینه سون" باشلیغی آلتیندا، ایسپانیادا، ۱۰۰دن چوخ شهر و ائلچه‌ده گؤستریلر تشکیل ائدیلدی.

باشکند مادریدده بیر دفعه داها بؤیوک قاتیلیملا تشکیل ائدیله‌ن یوروشده، "ایسرائیله بایکوت"، "قاتیل نتانیاهو"، "سوی‌قیریمی دوردورون"، "اؤزگور فیلیسطین" شعارلاری وئریله‌رک، اولوسلارآراسی توپلوما آتیش‌کس اوچون "ایسرائیله باسقی" چاغریسی ائدیلدی.

هلندده ده غزه‌یه دستک گؤستریسی تشکیل ائدیلدی.

روتردام شهرینده بیر آرایا گلن گؤستریچیلر، ایسرائیلین تخمیناً ۵ آیدیر سالدیریلارینی داوام ائتدیردیگی غزه یولاغینا دستک گؤستریسی تشکیل ائتدی.

گؤستریچیلر، پلاکاردلار و فیلیسطین بایراقلاری داشییاراق کوچه‌لرده یئریدی.

آمریکا بیرلشمیش دؤولتلرینین نیویورک شهرینده فیلیسطین دستکچیسی بیر قروپ دا، آمریکالی ژورنالیست باری وایسا اعتراض ائتدی.

ژورنالیستین قوناق ائدیلدیگی بینانین دیشیندا پولیسله چاتیشان بیر قروپ، رفعت العرعیر آدلی فیلیسطنلی شاعر و آکادمیسنین دسامبر آییندا غزه‌ده بیر ایسرائیل سالدیریسیندا اؤلدورولمه‌سیندن هئچ باری وایسی مسئول توتور.

غزه یولاغینا ۷ اکتبردان بو یانا شدتلی سالدیریلار تشکیل ائد‌ن ایسرائیل، تخمیناً ۳۰ مین فلیلیسطینلینین اؤلومونه سبب اولدو.