متیو میلر:"بیز بو مسئله ایله مشغول اولماغا داوام ائدجییک"
ایسراییلین فیلیسطین-ده سیویل اینسان‌لارا قارشی زوراکی‌لیغی داوام ائدرکن، امریکا یئنی آچیقلاما وئریب.
گونده‌لیک مطبوعات کنفرانسیندا ژورنالیست‌لرین سوال‌لارینی جاوابلان‌دیران امریکانین خاریجی ایشلر ناظیرلیگی‌نین مطبوعات خیدمتی‌نین رهبری متیو میلر ایسراییلین ساواش ناظیرلر کابینه‌سی‌نین عضوو بنی گانتزین "اومید وئریجی ایلکین علامت‌لر" اولدوغو باره‌ده سؤزلرینین خاطیرلادیلماسی قارشی‌سیندا دئییب:
"حساب ائدیریک کی، بورادا راضیلیغا گلمک اوچون (الوئریش‌لی) ساحه وار. بیز بو مسئله ایله مشغول اولماغا داوام ائدجییک".
چیخیشیندا امریکانین گیروو‌لارین آزاد ائدیلمه‌سی و حربی عملیات‌لارین دایاندیریلماسی ایستیینی چات‌دیران میلر غزه-ده "راضیلاشمانین الده اولونماسینی گؤرمک ایستدیک‌لرینی" دئییب.
میلرین آچیقلاماسی بنی گانتزین "فیلیسطین‌لی قروپ‌لارلا یئنی اسیر موبادیله‌سی راضیلاشماسی جهدلری داوام ائدیر" و بو مسئله ده "ایرلیلییش احتیمالی‌نین علامت‌لری وار" ایفاده‌لریندن سونرا وئریلیب.
قئید ائدک کی، "حماس"ین سلاحلی قانادی عزالدین قسام گردان لاری اوکتبرین 7-ده "القصی مسجیدی باشدا اولماقلا فیلیسطین‌لیلره و مقدس دگرلره قارشی داوام‌لی پوزونتولارا جاواب وئرمک" سببی ایله ایسراییله قارشی هرطرف‌لی هوجوما کئچیب.
ایسراییلین 7 اوکتبردان بری غزه زولاغینا تشکیل ائتدیگی هوجوم‌لاردا ان آز 12 مین 660-ی اوشاق، 8 مین 570-ی قادین اولماقلا، 29 مین 313 فیلیسطین‌لی هلاک اولوب، 69 مین 333 نفر ایسه یارالانیب.
نوامبرین 24-ده 4 گون وئریلن و داها سونرا 3 گون اوزادیلان قارشیدورمادا "اینسانی فاصیله" زامانی 81 ایسراییل‌لی و 240 فیلیسطین‌لی محبوس قارشی‌لیق‌لی اولاراق آزاد ائدیلیب.
ایسراییل مین‌لرله فیلیسطین-لینی ساخلاماغا و حبس ائتمه‌یه داوام ائدیر.
