روسیه تانک و پیلوتسوز اوچاق ایستحصالینی آرتیریر

روسیه تانک و پیلوتسوز اوچاق ایستحصالینی آرتیریر. روسیه فدراسیونو ساوونما ناظیری سرگئی شویگونون آچیقلاماسینا گؤره، اؤتن ایل روسیه اوردوسوندا ایستیفاده ائدیلن پیلوتسوز اوچاقلارین سایی 17 دفعه، تانکلارین سایی ایسه 6 دفعه آرتیریلیب. بوندان علاوه، هم توپ، هم ده اوچاق مرمیلرینین سایی 17.5 دفعه آرتیب.

شویگو «بو، البتّه کی، گَلَجَیه ایناملا باخماغا ایمکان وئریر، لاکین هدفلریمیز هله ده چتیندیر»، دئییب.

ناظیرین آچیقلاماسینا گؤره، 2023 ایلینده روسیه سیلاحلی قووه‌لرینه آنلاشما اساسیندا 540 میندن چوخ حربچی جلب ائدیلیب. بو ایش، آلتی تومن‌نن اولان بیر احتییاط اوردونون یارادیلماسینا ایمکان وئردی.

شویگو "بوگون بونلار گوجلو قووه بیرلیگی تشکیل ائدن یاخشی تعلیم کئچیرمیش پئشه‌کار بیرلیکلردیر. بو ایلین اولیندن 50 مینه یاخین شخص موقاویللی حربی خیدمته داخیل اولوب و اونلارین سایی آرتماقدا داوام ائدیر." دئدی.

روسیه‌لی ناظیر آیریجا بیان ائدیب کی، اوکراین سیلاحلی قووه‌لری 2023 ایلینین یاییندا باشلایان عکس-هوجوم زامانی روسیه اوردوسونون ایلک ساوونما خطینی بئله کئچه بیلمییب. شویگونون دئدیگی کیمی، ساوونما خطینین 80 فاییزی موهندیسلر و دمیریول بیرلیکلری طرفیندن تیکیلیب. اوکراین طرفی روسیه‌نین عکس-هوجوما حاضیرلاشارکن گئنیش اراضیلره چوخ‌سایلی مینلر قویماسیندان شیکایت ائتمیشدی. روسیه ساوونما خطینین مینلنمیش ساحه‌لرله احاطه اولونماسی اوکراین عملییاتینی پوزان اساس سببلردن بیری کیمی گؤستریلیر.