بایدندن پوتینه سؤیوش
بایدن کالیفورنیا ایالتینین سان فرانسیسکو شهرینده قاتیلدیغی باغیش فعالیتینده، سئچیم کامپینی چرچیوه‌سینده دانیشدی
آمریکا بیرلشمیش دؤولتلری باشقانی جو بایدن، سئچیم کمپینی دانیشماسیندا روسیا دؤولت باشقانی ولادیمیر پوتینی سؤیدو.
‘د هیل’ین خبرینه گؤره، بایدن کالیفورنیا ایالتینین سان فرانسیسکو شهرینده قاتیلدیغی باغیش فعالیتینده، سئچیم کامپینی چرچیوه‌سینده دانیشدی.
پوتین و دیگر بعضی لیدئرلر سببی ایله داواملی نۆوه چاتیشما قایغیسی یاشاندیغینا ایشاره ائدن بایدن، اصلینده ان تمل وار اولوشسال تهدیدین ایقلیم اولدوغونو سؤیله‌دی.
بایدن، دانیشماسیندا روسیا لیدئری پوتینه سؤیوش ایچریکلی ایفاده‌لر ایشلتدی.
بایدن آیریجا، سئچیمده جمهوریتچیلرین نامیزدی آمریکانین اؤنجه‌کی باشقانی دونالد ترامپی دا روس موخالیف آلکسئی ناوالنییین حبس‌خاناداکی اؤلومو قونوسوندا پوتین حاقیندا دانیشمادیغی سببی ایله تنقید ائتدی.
آمریکا باشقانی بایدن، ناوالنییین اؤلوموندن پوتینی مسئول توتموش،
"آلکسئی ناوالنییین اؤلومو ایله باغلی خبرلره هم چاشمادیم هم ده حیرصلندیم. پوتین، اونو زهرله‌دی، حبس ائتدیردی و یارغیلاتدی. اونو حبس‌خانایا گؤندردی و تجرید ائتدی" ایفاده‌سینی ایشلتمیشدی.
ایلگیلی‌لی خبرلر
جوزپ بورل فیلیسطین دؤولتینی تانییا‌جاق اؤلکه‌لری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.
