آمریکا و انگیلیس حوثیلری 11 دفعه ووردو
حوثیلره مخصوص المسیره تلویزیونونون خبرینه گؤره، آمریکا و اینگیلیس بئشینجی دفعه حدیده شهرینین السلیف بؤلگهسیندکی راسعیسی بؤلگهسینه هاوا هوجومو هیاتا کئچیریب
یمندهکی حوثیلر، آمریکا و بؤیوک بریتانییانین سحر ساعاتلاریندان اعتیبارن باتیداکی حدیده شهرینه 11 هوجوم تشکیل ائتدیگینی آچیقلاییب.
حوثیلره مخصوص المسیره تلویزیونونون خبرینه گؤره، آمریکا و اینگیلیس بئشینجی دفعه حدیده شهرینین السلیف بؤلگهسیندکی راسعیسی بؤلگهسینه هاوا هوجومو هیاتا کئچیریب.
سحر ساعاتلاریندا آمریکا وه بؤیوک بریتانیا حربی هاوا قووهلرینین ساحیلدهکی حدیده شهرینه 6 هوجوم تشکیل ائتدیگی آچیقلانیب.
حدیده اوزون ساحیل خطینه مالیکدیر و اوچ مهم لیمانی اؤزونده ساخلاییر. بونون اوچون ده یمنین ان اؤنملی شهرلریندن بیری حساب اولونور.
آمریکا مرکزی کوماندانلیغینین سحر ساعاتلاریندا وئردیگی آچیقلامادا، حوثیلرین 19 فوریهده یونان بایراقلی، یمنین عدن لیمانینا گئدن آمریکایا مخصوص « M/V Sea Champion» آدلی توپلو یوک گمیسینه دوغرو ایکی گمی علیهینه بالیستیک راکت آتدیقلاری بیلدیریلیب.
ایرانین دستکلدیگی حوثیلر ایسرائیلین غزهیه هوجوملارینا قارشیلیق اولاراق 31 اوکتبردا ایسرائیل شیرکتلرینه باغلی اولدوقلارینی ایدعا ائتدیکلری یمن ساحیللرینده تیجارت گمیلرینی اله کئچیرمیه و بعضیلرینه پیلوتسوز اوچوش آپاراتلاری و راکتلرله هوجوما باشلادیلار.
آمریکا قووهلری بو موددت عرزینده دفعهلرله یمندن آتیلان راکتلری و کامیکازه پیلوتسوز اوچاقلاری ووردوقلارینی آچیقلاییب.
گلوبال تیجارتین تخمینن 12 فاییزی آرالیق دنیزینی قیزیل دنیزه بیرلشدیرن و اوروپا ایله آسیا آراسیندا ان قیسا یولو تکلیف ائدن سوئز کانالی واسیطه ایله حیاتا کئچیریلیر.
ایلگیلیلی خبرلر
جوزپ بورل فیلیسطین دؤولتینی تانییاجاق اؤلکهلری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.