سوئدین باش ناظیری ناتو-یا عضولوک مسئلهسی اوچون مجاریستانا گئدهجک
مجاریستاندا حاکیم فیدس پارتییاسی سوئدین ناتو-یا عضولویونه 26 فوریهده سس وئرمه کئچیرمک تکلیفینی 20 فوریهده مجلیسه تقدیم ائدیب
سوئدین باش ناظیری اولف کریسترسون اؤلکهسینین ناتو-یا عضولوک مسئلهسینی موذاکیره ائتمک اوچون 23 فوریهده مجاریستانا گئدجک.
سوئد حؤکومتیندن وئریلن آچیقلامادا، سفرین گوندمینین مجاریستان و سوئد آراسیندا تهلوکهسیزلیک و مودافیعه ساحهلرینده، خوصوصیله ناتو عضولویونده امکداشلیغین آرتیریلماسی اولدوغو بیلدیریلیب.
کریسترسون و ماجاریستانین باش ناظیری ویکتور اوربانین گؤروشلردن سونرا بیرگه مطبوعات کنفرانسی کئچیرجکلری بیلدیریلیب.
مجاریستاندا حاکیم فیدس پارتییاسی (مجار وطنداش بیرلیگی) سوئدین ناتو-یا عضولویونه 26 فوریهده سس وئرمه کئچیرمک تکلیفینی 20 فوریهده مجلیسه تقدیم ائدیب.
تورکیه سوئدین ناتو عضولویونو تصدیقلدیکدن سونرا بوتون گؤزلر مجاریستانا چئوریلدی. مجاریستانین باش ناظیری اوربان 23 ژانویهده سوسیال مئدیا پلاتفورمو ایکس-ده "باش ناظیر اولف کریسترسونا سوئدین ناتو-یا داخیل اولماسی ایله باغلی دانیشیقلار آپارماق اوچون مجاریستانا دعوت مکتوبو گؤندردیم"، ایفادسینی ایشلتدی.