امریکا حوثی لرین قیرمیزی دنیزده ووردوغو گمییه دایر آچیقلاما وئریب

امریکا یمن-ده‌کی حوثی لرین قیرمیزی دنیزده ووردوق‌لارینی سؤیلدیگی گمی‌نین یونانیستانین شیرکت‌لرین‌دن بیرینه عایید اولدوغونو و مارشال آدا‌لاری بایراق‌لی اولدوغونو بیلدیریب.

امریکا مرکزی قوموتانلیغی‌نین (سنتکام) سوسیال مئدیا پلاتفورماسی "ایکس" حسابیندا حوثی لرین قیرمیزی دنیزده ووردوغو “استار آیریس”  گمیسی ایله باغلی پای‌لاشیم ائدیلیب.

پای‌لاشیمدا حوثی لرین دونن  باب‌المندب بوغازیندا برزیلیا‌دان قارغیدا‌لی داشییان یونانیستانین شیرکت‌لریندن بیرینه مخصوص مارشال آدا‌لاری بایراق‌لی یوک گمی‌سینه ایکی راکت آتدیغی قئید ائدیلیب.

یونگول زیان گؤرن و خدمه سیندن خسارت آلمایان گمی‌نین چاتاغی یئرین ایران اولدوغو بیلدیریلیب.

قئید ائدک کی، یمن‌-ده‌کی حوثی لر دونن قیرمیزی دنیزده امریکا گمی‌سینه هوجوم ائتدیک‌لرینی آچیقلاییب‌لار.

حوثی لرین حربی سؤزچوسو یحیی سری "فیلیسطین خالقینا قارشی ظلمه و امریکا-اینگیلتره-‌نین اؤلکه‌میزه هوجوم‌لارینا جاواب اولا‌راق، یمن سلاحلی قوه‌لرینین (حوثی لر) دنیز قوه‌لری قیرمیزی دنیزده امریکانین استار آیریس گمی‌سینی چوخلو سایدا اویغون دنیز راکت‌لری ایله هدفه آلیب و بو راکت‌لر هدفی دقیق ووروب" دئییب.

امریکا و اینگیلتره-‌نین یمنه هوجوم‌لارینا جاواب وئرمک‌دن چکینمه‌یه‌جک‌لرینی ایفاده ائدن یحیی سری قیرمیزی دنیزدن کئچن امریکا و اینگیلتره گمی‌لرینین اونلار اوچون "قانونی هدف" اولدوغونو بیر داها وورغولاییب.