جوزپ بورل ایسراییله سلاح صادراتینی دایاندیرماغا چاغیریب
جوزپ بورل ایسراییلین غزه-یه هوجوم‌لاریندا قئیده آلینان سیویل ایتکی‌لره رئاکسیا وئره‌رک عضو دؤولت‌لری بو اؤلکه‌یه سلاح صادراتینی دایاندیرماغا چاغیریب.
آوروپا بیرلیگی‌نین (آی) خاریجی سیاست و تهلوکه‌سیزلیک مسئله‌لری عالی نوماینده‌سی جوزپ بورل ایسراییلین غزه-یه هوجوم‌لاریندا قئیده آلینان سیویل ایتکی‌لره رئاکسیا وئره‌رک عضو دؤولت‌لری بو اؤلکه‌یه سلاح صادراتینی دایاندیرماغا چاغیریب.
جوزپ بورل بلژیک-ین پایتاختی بروکسل-ده آوروپا بیرلیگی اؤلکه‌لری‌نین اینکیشاف ناظیرلری‌نین غیری-رسمی گؤروشوندن سونرا دانیشیب.
بورل غزه-ده آرتان سیویل ایتکی‌لره رئاکسیا وئرن اؤلکه‌لره چاغیریش ائده‌رک دئییب:
"حدیندن آرتیق اینسانین اؤلدورولدوگونه اینانیرسینیزسا، بلکه ده بو قدر اینسانین اؤلدورولمه‌سی‌نین قارشی‌سینی آلماق اوچون (ایسراییله) داها آز سلاح وئرسینیز. هامی تل آویوه گئدیر و یالواریر: "بونو ائتمیین، سیویل اینسان‌لاری قورویون. بو قدر اینسانی اؤلدورمیین" دئیه. اما (ایسراییلین باش ناظیری بنیامین) نتانیاهو هئچ کیمی دینلمیر".
ایسراییلین رفح بؤلگه‌سینه هوجوم پلانیندان دانیشان بورل "اینسان‌لار تخلیه اولونا‌جاق. هارا، آیا؟ بو اینسان‌لاری هارا تخلیه ائده‌جک‌لر؟ اولوسلار آراسی توپلوم بونون چوخلو سایدا اینسانین حیاتینی ایتیرجگی بیر قیرغین اولاجاغینا اینانیر. بلکه ده (ایسراییله ائتدیک‌لری) سلاح تداروکو حاقیندا دوشونمه‌لی‌دیرلر. اؤلکه‌لر "چوخ اینسان اؤلدورولور، لطفاً، اینسان‌لارین قایغی‌سینا قالین، لطفاً، بو قدر اینسانی اؤلدورمیین" دئییرلر. "لطفاً" دئمیی دایان‌دیرین و بیر آددیم آتین" سؤزلریله رئاکسیا گؤستریب.
قئید ائدک کی، "حماس"ین حربی قانادی قسام گردان لاری اوکتبرین 7-ده ایسراییله قارشی "القصی طوفانی" آدلی هرطرف‌لی هوجوما کئچدیگینی آچیقلاییب.
بونا جاواب اولا‌راق ایسراییل اوردوسو غزه زولاغینا قارشی "دمیر قیلینج‌لار" عملیاتینا باشلادیغینی بیلدیریب.
آرتان گرگین‌لیکده اکثریتی اوشاق اولماقلا 29 مینه یاخین فیلیسطین‌لی حیاتینی ایتیریب.
