شیلی-ده مئشه یانغینلاری نتیجهسینده اؤلنلرین سایی آرتیب
شیلینین والپارایسو بولگه سینده رئگیونوندا باش وئرن مئشه یانغینلاری نتیجهسینده آزی 112 نفر اؤلوب.
شیلینین والپارایسو بولگه سینده باش وئرن مئشه یانغینلاری نتیجهسینده آزی 112 نفر اؤلوب.
بی بی سی-نین معلوماتینا گؤره، شیلی رسمیلری والپارایسو شهرینده باش وئرن یانغینلاردا حیاتینی ایتیرنلرله باغلی آچیقلاما وئریب.
یئتکیلیلر یانغینلاردا ان آزی 112 نفرین حیاتینی ایتیردیگینی، 3000-6000 ائوین ضرر گؤردوگونو قئید ائدیب.
پرزیدنت گابریل بوریچ شرطلری نظره آلاراق یانغینلاردا حیاتینی ایتیرنلرین سایینین آرتاجاغینی، حیاتینی ایتیرنلر اوچون بازار ارتهسی و چرشنبه آخشامی گونلرینین میلی ماتم گونو اعلان ائدیلدیگینی بیلدیریب.
شیلینین ساغلیق ناظیرلیگی ده هاوار وضعیتده اولدوقلارینی، خستهخانالاری عاجیل اولمایان عملیاتلاری تاخیره سالماغا چاغیریب و صحرا خستهخانالارینین یارادیلاجاغینی بیلدیریب.
ایچ ایشلر ناظیری کارولینا توها خالقا مراجعتی زامانی اؤلنلرین سایینین آرتا بیلهجگینی بیلدیریب.
توها قئید ائدیب کی، یانغینلا موباریزه اوچون 1400 یانغین سؤندورن، او جملهدن فوق العاده حاللار خیدمتی و حربی پرسنل آیریلیب و یانغینین باش وئرمه سببلری آراشدیریلیر.
شیلی یئتکیلیلری یانغینلاردان ان چوخ ضرر چکن بعضی بؤلگهلرده فوق العاده وضعیتین احاته دایرهسینین گئنیش لندیریلدیگی و بو یئرلره سیاحته قارشی خبردارلیق ائدیلدیگی بارهده معلومات پایلاشدی.