بایدن: داها گئنیش بیر ساواشا احتیاجیمیز یوخ

آمریکا بیرلشمیش دؤولتلری باشقانی جو بایدن،

"اورتا دوغودا داها گئنیش بیر ساواشا احتیاجیمیز اولدوغونو دۆشونموره‌م، بونون آرخاسیندا دئییلیک" دئدی.

جو بایدن، فلوریدادا قاتیلاجاغی سئچیم چالیشمالاری اوچون آغ ائوده‌ن آیریلارکه‌ن مطبوعات منسوبلارینین گوند‌مه باغلی سواللارینی جاوابلادی.

بایدن، سوریه-اردن سرحدینده‌کی آمریکا خربی مرکزینه تشکیل ائدیله‌ن سالدیرییا نئجه جاواب وئره‌جکلرینی قرارلاشدیردیقلارینی سؤیله‌دی.

سالدیرینین مسئولو اولاراق ایرانی گؤروب گؤرمه‌دیکلری سوالینی، "بو سالدیرینی ائد‌ن شخصلره سلاحلاری تامین ائتمه‌لری باغلامیندا اونلاری (ایرانی) مسئول توتورام" شکلینده جاوابلایان بایدن، سالدیرینین ایرانلا بیر باسا باغلانتیسینین اورتایا چیخماسی دوروموندا ایرانی بیر باشا مسئول توتوب توتمایاجاغی سوالینا ایسه "بونو دارتیشاجاغیق" ایفاده‌سی ایله جاواب وئردی.

بایدن، سؤزلرینه، "اورتا دوغودا داها گئنیش بیر ساواشا احتیاجیمیز اولدوغونو دۆشونموره‌م، بونون آرخاسیندا دئییلیک" دئیه داوام ائتدی.

آمریکا باشقانی بایدن، سوریه-اردن سرحدینده‌کی آمریکا حربی مرکزینه هفته سونو تشکیل ائدیله‌ن سالدیرییلا باغلی سون ایکی گۆنده میللی گۆونلیک شوراسینی اوچ دفعه توپلامیش و اؤلکه‌سینین بو سالدیرییا نئجه جاواب وئرجگینی دگرلندیرمیشدی.