بروئر:"اوردو اؤلکهنی کیفایت قدر یاخشی مدافعه ائتمک اقتداریندا دئییل"
آلمانیا باش قرارگاه رئیسی ژنرال کارستن بروئر اوردونون اؤلکهنی مدافعه ائتمک گوجونده اولدوغونو، لاکین کیفایت قدر یاخشی مدافعه ائتمک اقتداریندا اولمادیغینی بیلدیریب.
آلمانیا باش قرارگاه رئیسی ژنرال کارستن بروئر اوردونون اؤلکهنی مدافعه ائتمک گوجونده اولدوغونو، لاکین کیفایت قدر یاخشی مدافعه ائتمک اقتداریندا اولمادیغینی بیلدیریب.
ژنرال کارستن بروئر" هندلزبلات" قزئتینین تشکیل ائتدیگی "تهلوکهسیزلیک و ساوونما 2024" آدلی کنفرانسدا چیخیش ائدیب.
آلمانیا سلاحلی قوهلرینین یئنیدن قورولوشا احتیاجی اولدوغونو و دؤیوشه اویغون سلاحلارا احتیاجی اولدوغونو ایفاده ائدن بروئر آلمانیا سلاحلی قوهلرینین آچیغینین سون تداروک موقاویلهلری ایله باغلانابیلهجگینه دقت چکیب:
"بو آچیغی احتیمال کی، 2 و یا 3 ایله آرادان قالدیرا بیلهجییک، هر حالدا 5 و یا 8 ایلدن داها آز اولاجاق" دئییب.
قئید ائدک کی، روسیا-اوکراینا محاربهسیندن سونرا آلمانیا ساوونما خرجلرینی خیلی آرتیرماق قرارینا گلدی و قاباقجیل سلاح سیستملرینین آلینماسی و اؤلکهنین سلاحلی قوهلرینین مدرنلشدیریلمهسی اوچون 100 میلیارد یورولوق خصوصی فوند یاراتدی.
حکومت چوخ سایلی موقاویلهلر، او جملهدن امریکا اوره تیمی اولان اف-35 ساواش اوچاق لارینین، " Chinook" نقلیات هلیکوپترلرینین و ایسراییل اوره تیمی اولان "Arrow-3" راکتدن ساوونما سیستمینین آلینماسینی ایمضالاییب.