قوزئی کره-نین بیر نئچه کروز راکت بوراخدیغی بیلدیریلیب

گونئی کره باش قرارگاهی قوزئی کره-نین ساری دنیزه دوغرو کروز راکت‌لر بوراخدیغینی بیلدیریب.

گونئی کره باش قرارگاهیندان وئریلن آچیقلامادا قوزئی کره-نین یئرلی واختلا ساعات 07:00-دا ساری دنیزه دوغرو کروز راکت‌لر آتدیغی آچیقلانیب.

راکت‌لرین سایی دقیقلشدیریلمه‌ییب.

"حربچی‌لریمیز قوزئی کره-نین تخریبات‌لارینی ایزلمک اوچون امریکا ایله سیخ امکداش‌لیق ائدیر"، آچیقلامادا دئییلیب.

سئول-دا یئرلشن یونهاپ خبر آژانسی بیلدیریب کی، بو، قوزئی کره-نین سون بیر هفته عرضینده اوچونجو کروز راکت سیناغی‌دیر.

قوزئی کره خبر آژانسی‌نین (KCNA) ژانویه‌نین 19-دا وئردیگی خبره گؤره، قوزئی کره ژانویه آییندا حاضیرلاندیغی "Haeil-5-23" سوالتی آتوم سلاح سیستمینی سیناق‌دان کئچیریب.