کلمبیا حؤکومتی ایله میللی آزادلیق اوردوسو آراسیندا آتش‌کس آنلاشماسی اوزادیلیب

کلمبیا حؤکومتی ایله سیلاحلی قییامچی تشکیلات اولان میللی آزادلیق اوردوسو آراسیندا 29 ژانویه‌ده باغلانمیش ایکی طرفلی آتش‌کس آنلاشماسینین موددتی «7 گون» داها اوزادیلیب.

میلّی مطبوعاتدا یئر آلان خبره گؤره، کوبانین پایتاختی هاوانادا 22 ژانویه‌ده باشلایان باریش دانیشیقلارینین 6-جی دؤورو ایکی طرفلی آتش‌کس آنلاشماسینین 7 گون داها اوزادیلماسی ایله سونا چاتیب.

کلمبیانین ساوونما ناظیری ایوان وئلاسکس میللی آزادلیق اوردوسو ایله صلح دانیشیقلارینین 6-جی دؤورونه قاتیلیب.

دؤولتله میللی آزادلیق اوردوسو آراسیندا 3 آگوست‌دا باشلایان و 29 ژانویه‌ده باشا چاتان ایکی طرفلی آتش‌کس آنلاشماسینین اوزادیلیب-اوزادیلمایاجاغی طرفلرین 5 فوریه‌ده کئچیریلجک گؤروشونده کسینلشجک.

ونزوئلانین ضامینلی‌یی و ائو ساحیبلییی ایله پایتاخت کاراکاسدا بیر آرایا گلن طرفلر 2019 ایلینده دایاندیریلان صلح دانیشیقلارینی 2022 ایلینین نوامبر آیینین 22-ده یئنیدن باشلادیب.

کلمبیادا پرزیدنت سئچکیلرینده غالیب گلن وه 2022-جی ایل آگوست 7-ده وظیفیه باشلایان سولچو گوستاوو پئترو حاکیمییته گلدیکدن سونرا کلمبیانین دئوریمچی سلاحلی گوجلری ایله صلح آنلاشماسینی حیاتا کئچیرجیینی و میللی آزادلیق اوردوسو ایله صلح دانیشیقلاری آپاراجاغینی وعده ائدیب.