روسیهده آمریکالی ژورنالیستین توتوقلولوق موددتی اوزادیلیب
روسیهده جاسوسلوق سوچلاماسی ایله توتوقلانان والاستریت ژوورنال-ین خبرچیسی ایوان قئرشکوویچ بوگون یئنیدن حاکیم قارشیسینا چیخیب
روسیهده آمریکالی ژورنالیست ایوان قئرشکوویچین توتوقلولوق موددتی 2 آی اوزادیلیب.
روسیهده جاسوسلوق سوچلاماسی ایله توتوقلانان والاستریت ژوورنال-ین خبرچیسی ایوان قئرشکوویچ بوگون یئنیدن حاکیم قارشیسینا چیخیب.
لفورتووو بؤلگه محکمهسی قئرشکوویچین توتوقلولوق موددتینین 30 مارت آیینا دک اوزادیلماسی بارده قرار چیخاریب.
دینلمهده آمریکا باش کونسولو ستوارت ویلسون دا ایشتیراک ائدیب.
32 یاشلی ایوان قئرشکوویچ 29 مارت آییندا روسیهنین یکاترینبورگ شهرینده خبر ایشلری آپارارکن روسیه اوردوسونون صنایع کمپلکسی ایله باغلی معلومات توپلادیغی سببیله جاسوسلوق ایتتیهامی ایله توتوقلانیب.
پایتخت مسکو محکمهسی قئرشکوویچین 29 مای آیینا دک حبسده ساخلانماسینا، 23 مای آییندا ایسه ژورنالیستین حبس موددتینین 30 آگوست آیینا دک اوزادیلماسینا قرار وئریب.
قئرشکوویچین حبس موددتینین اوزادیلماسی ایله باغلی موراجیعتی قبول ائدیلمییب، 24 آگوست آییندا قئرشکوویچین حبس مودحتی 30 نوامبر آیینا دک اوزادیلیب.
سونرا دا قئرشکوویچین حبس موددتینین 30 ژانویهیه دک اوزادیلماسی قرارا آلینیب.
آمریکالی ژورنالیست اونا قارشی ایرلی سورولن جاسوسلوق ایتتیهاملارینی رد ائدیب و آمریکا حؤکومتی قئرشکوویچین درحال آزاد ائدیلمسینی ایستییب.