امریکا اوچاق لاری اوچ هدفه هوجوم ائدیب

امریکانین ساوونما ناظیری لوید آستین حربی قوه‌لری‌نین عراق-دا ایرانین دستکلدیگی میلیس قروپ‌لارینا عایید اوچ تاسیسه هوجوم ائتدیگینی آچیقلاییب.

لوید آستین وئردیگی یازیلی آچیقلامادا پرزیدنت جو بایدنین گؤستریشی ایله عراق-دا ایرانین دستکلدیگی میلیس قروپ‌لاری‌نین ایستیفاده ائتدیگی 3 تاسیسی ووردوق‌لارینی قئید ائدیب.

هوجوم‌لاری "ضروری" و "متناسیب" اولا‌راق خاراکتئریزه ائدن آستین دئییب: "بو هوجوم‌لار ایرانین دستکلدیگی میلیس‌لرین عراق و سوریه-ده امریکا و کوالیسیون پرسنلینه قارشی آرتان بیر سیرا هوجوم‌لارینا بیرباشا جاواب‌دیر" .

امریکانین اؤز ماراق‌لارینی مدافعه ائتمک اوچون لازیمی آددیم‌لاری آتماق‌دان ایمتینا ائتمه‌یه‌جگینی بیلدیرن آستین بؤلگه‌ده موناقیشه‌لری قیزیشدیرماغا چالیشمادیق‌لارینی ایره‌لی سوروب و ایرانین دستکلدیگی هوجوم‌لارین درحال دایاندیریلماسینا چاغیریب.

قئید ائدک کی، عراق-دا یئرلی مطبوعاتدا درج اولونان خبرلرده ده امریکا قیریجی‌لاری‌نین بابیل-ین جرف السحر بؤلگه‌سینده‌کی " حشدالشعبی"یه عایید حربی دانشکده‌نی بومبالادیغی، هوجومدا اؤلن و یارا‌لانان‌لارین اولدوغو بیلدیریلیب.