ساواش اوچاقلاری یمنی ووردو
"یمنده‌کی بو سالدیریلار، آمریکا و متفیقلرینین دونیانین ان حساس تیجاری یوللاریندان بیرینده‌کی حرکت اؤزگورلوگونون تهلوکه‌یه آتیلماسینی خوش گؤرمه‌یه‌جگیمیزین آچیق مئساژیدیر"
آمریکا بیرلشمیش دؤولتلری و اینگیلتره‌یه عاید ساواش اوچاقلاری، یمنده بیر نئچه شهرده بعضی نقطه‌لره هاوا سالدیریسی تشکیل ائتدی.
یمنده‌کی یئرلی قایناقلاردان آلینان بیلگییه گؤره، آمریکا و اینگیلیس ساواش اوچاقلاری گئجه ساعاتلاریندا باشکند صنعا، حدیده و تعز شهرلرینده بعضی نقطه‌لره هاوا سالدیریسی گئرچکلشدیردی.
آمریکا بیرلشمیش دؤولتلری باشقانی جو بایدن ده، قیزیل‌دنیزده‌کی سالدیریلارینا داوام ائدن حوثیلری هدف آلدیقلاری هاوا سالدیریلارینا باغلی یازیلی آچیقلاما وئردی.
جو بایدن، آچیقلاماسیندا، "بو گون، تاپشیریغیملا، آمریکا بیرلشمیش دؤولتلری اوردو گوجلری، اینگیلتره ایله بیرلیکده و استرالیا، بحرین، کانادا و هلندین ده دستگی ایله یمنده حوثی عصیانچیلاری طرفیندن ایستیفاده ائدیله‌ن بعضی هدفلره هاوا سالدیریسی تشکیل ائتدی." ایفاده‌سینی ایشلتدی.
سالدیریلارین، حوثیلرین قیزیل‌دنیزده‌کی حرکتلرینه قارشیلیق اولدوغونو ایفاده ائدن بایدن، سونونجوسو ۹ ژانویه‌ده گئرچکلشن و حوثیلرین بیرباشا آمریکان گمیلرینی هدف آلدیغی بیر سیلسیله سالدیرییا اولوسلارآراسی کوالیسیونلا جاواب وئردیکلرینی قید ائتدی.
"یمنده‌کی بو سالدیریلار، آمریکا بیرلشمیش دؤولتلری و متفیقلرینین دونیانین ان حساس تیجاری یوللاریندان بیرینده‌کی حرکت اؤزگورلوگونون تهلوکه‌یه آتیلماسینی و پرسنلیمیزین هدف آلینماسینی خوش گؤرمه‌یه‌جگیمیزین آچیق مئساژیدیر" دگرله‌ندیرمه‌سینی پایلاشان جو بایدن، "لازیم اولماسی حالیندا بوندان سونرا دا ایر‌لی تدبیرلری آلماقدا تردد ائتمه‌یه‌جگینی" وورغولادی.
اینگیلتره باشباخانی ریشی سوناک دا یازیلی آچیقلاما وئررک، اولوسلارآراسی توپلومون دفعه‌لرله اویارماسینا باخمایاراق حوثیلرین قیزیل‌دنیزده بو هفته اینگیلتره و آمریکا بیرلشمیش دؤولتلری ساواش گمیلرینه قارشی سالدیریلار تشکیلمه‌یه داوام ائتدیگینی خاطیرلاتدی. سوناک:
"بو قبول ائدیله‌بیلمز. اینگیلتره هر زامان حرکت اؤزگورلوگونو و تیجارتین سربست آخیشینی مدافعه ائد‌جک. بو سببله، حوثی عسگری قابیلیتلرینی ضعیفلتمک و کۆره‌سل دنیز داشیماچیلیغینی قوروماق مقصدی ایله آمریکا بیرلشمیش دؤولتلری ایله بیرلیکده هولند، کانادا و بحرینین عملیاتی اولمایان دستیگی ایله، بو سالدیریلارلا عباغلانتیلی هدفلره قارشی مشروع مدافعه چرچیوه‌سینده محدود، لازیم و متناسیب ائیلم گئرچکلشدیردیک" دئدی.
آمریکا بیرلشمیش دؤولتلری مداساوونما باخانی لوید آستین ایسه سالدیریدا حوثیلرئه عاید اینسانسیز هاوا آراجلارینی، بالیستیک و کروز موشکلری ایله رادار و گؤزتله‌مه توتوملارینی هدف آلدیقلارینی قید ائتدی.
آمریکا مئدیاسینا شدانیشان بعضی مقاملار ایسه آمریکا بیرلشمیش دؤولتلری و اینگیلتره اوردو گۆجلرینین ان آز ۱۲ حوثی هدفینی ووردوغونو، سالدیریلارین ساواش اوچاقلاری و توم‌هاوک موشکلری ایله ائدیلدیگینی بیلدیردی.
یمنده‌کی ایران دستکلی حوثیلرین، ایسرائیلین غزه‌یه سالدیریلارینا قارشیلیق تیجاری گمیلره قارشی ائیلملرینین آردیندان، چوخ ساییدا گمیچیلیک شیرکتی قیزیل‌دنیزده‌کی سفرلرینی دوردورما قراری آلمیش‌دی.
ایلگیلی‌لی خبرلر
جوزپ بورل فیلیسطین دؤولتینی تانییا‌جاق اؤلکه‌لری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.
