آمریکادان ایرانا چاغری
"بونون کیمی باجاریقسیز، تحریک ائدیجی حرکتلر کۆرهسل اقتصاد اوچون بیر تهدیددیر و بونلارا سون وئریلمهلیدیر"
آمریکا بیرلشمیش دؤولتلری، ایرانین بیر آمریکا نفت تانکرینه ال قویماسینی قینایاراق، گمینین خدمهسی ایله بیرلیکده "تئز زاماندا سربست بوراخیلماسی" چاغریسی ائتدی.
آمریکا خاریجی ایشلر باخانلیغی سؤزچو کؤمکچیسی ودانت پاتل، گونلوک مطبوعات کنفرانسیندا ژورنالیستلرین سواللارینی جاوابلاندیردی.
سؤز و گئدن نفت تانکرینه عمان کؤرفزینده "قانونی اولاراق حرکت ائدرکهن" ال قویولدوغونو وورغولایان پاتل، "ایران حکومتی گمینی و خدمهسینی درحال سربست بوراخمالی. تیجاری بیر گمییه حقوقا ضد بیر شکیلده ال قویماق، ایرانین اولوسلارآراسی تیجارتی پوزماغا دایر اورتایا قویدوغو ان سون داورانیشیدیر" دئدی.
پاتل، قیزیلدنیزده تیجاری گمیلرین یوزده اوتوزونون آل قویمالارین یاشاندیغی بؤلگهدن گئچدیگینی خاطیرلاداراق، بو جور حرکتلرین دنیز تیجارتینده، "بؤلگهسل و کۆرهسل اکونومیلرله بیرلیکده، ایران اوچون ده نامعلوم دوروم یاراداجاغینی" ایفاده ائتدی.
سؤزچو کؤمکچیسی، "بونون کیمی باجاریقسیز، تحریک ائدیجی حرکتلر کۆرهسل اقتصاد اوچون بیر تهدیددیر و بونلارا سون وئریلمهلیدیر" دئیه دانیشدی.
ایران اوردوسو دنیز گۆجلری طرفیندن دۆنن وئریلهن یازیلی آچیقلامادا، "ایران اوردوسو دنیز گۆجلری، یارغی قرارییلا، عمان دنیزینده بیر آمریکا نفت تانکرینه ال قویموشدور" ایفادهلرینه یئر وئریلمیشدی.
ایلگیلیلی خبرلر
جوزپ بورل فیلیسطین دؤولتینی تانییاجاق اؤلکهلری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.