یورونون "آتاسی" وفات ائدیب

آوروپا بیرلیگی اؤلکه‌لری‌نین واحید پولو – یورونون دؤوریه‌یه بوراخیلماسیندا اساس رول اوینامیش آوروپا کمیسیونونون کئچمیش پرزیدنتی ژاک دلور 98 یاشیندا دونیاسینی دییشیب.

بو باره‌ده "فرانس پرس" آژانسینا اونون قیزی مارتینا اوبری بیلدیریب.

او قئید ائدیب کی، ژاک دلور اؤزونون پاریس-ده‌کی ایقامتگاهیندا وفات ائدیب.

فرانسانین گؤرکملی سیاستچی‌سی پرزیدنت فرانسوا میتران‌ین حاکمیتی دؤورونده - 1981-1984-جو ایللرده بو اؤلکه‌نین مالیه ناظیری وظیفه‌سینی توتوب. دلور 1985-جی ایلده سونرا‌دان آوروپا کمیسیونو آدلان‌دیریلان آوروپا ایجما‌لار کمیسیونونون پرزیدنتی سئچیلیب و اوچ دفعه آرد-آردا سئچیلمکله، 1995-جی ایلدک بو وظیفه‌نی ایجرا ائدیب.

ژاک دلورون رهبرلیگی ایله آوروپادا یئنی انتگراسیون سوره‌جی باشلاییب. 1985-جی ایلده شنگن سازیشی ایمضالانیب، داها سونرا اونون حاضیرلادیغی پروقرام آوروپا بیرلیگی‌نین واحید پولونون دؤوریه‌یه بوراخیلماسی ایله نتیجه لنیب.