چکیادا سلاحلی سالدیری: ۱۵ نفر حیاتینی ایتیردی
باشکند پراگداکی کارلس اونیوئرسیته‌سینین فلسفه فاکولته‌سینده تشکیل ائدیله‌ن سلاحلی سالدیریدا ان آز ۱۵ نفر حیاتینی ایتیردی، ۲۴ نفر ده یارالاندی
چکیا جمهورباشقانی پتر پاول و باشباخان پتر فیالا، پراگداکی کارلس اونیوئرسیته‌سینده ۱۵ نفرین اؤلومونه یول آچان سلاحلی سالدیرییا تپکی وئردی.
جمهورباشقانی پاول، سوسیال مئدیا حسابی ایکسد‌ن ائتدیگی پایلاشیمدا، اونیوئرسیته‌‌ده یاشانان سالدیرینین اؤزونو دهشته سالدیغینی ایفاده ائد‌رک، سالدیریدا حیاتینی ایتیره‌نلرین یاخینلارینا باش‌ساغلیغی، یارالیلارا عاجیل شفا دیلکه‌دی.
باشباخان فیالا دا چکیا خالقینا ائتدیگی دانیشمادا، سالدیرینی تراژیک اولاراق تانیملایاراق، حادثه‌نین هر کسه دریندن تأثیر ائتدیگینی سؤیله‌دی.
فیالا، "بو قورخونج ائیلمین هئچ بیر حاقلی سببی یوخدور. بیر چوخونوز کیمی من ده بو ایگرنج خشونت قارشیسیندا درین کدر دویورام" دئدی.
باشباخان فیالا، بیر دفعه داها حیاتینی ایتیره‌نلرین یاخینلارینا باش‌ساغلیغی، یارالیلارا عاجیل شفالار دیلیه‌دی.
باشکند پراگداکی کارلس اونیوئرسیته‌سینین فلسفه فاکولته‌سینده تشکیل ائدیله‌ن سلاحلی سالدیریدا ان آز ۱۵ نفرین حیاتینی ایتیردیگی، ۲۴ نفرین ده یارالاندیغی آچیقلانمیشدی.
ایلگیلی‌لی خبرلر
الجزایرده یئل فلاکتی جان آلماغا دوام ائدیر
البیض ایالتینده الغاسول وادیسینین سولاری ایله سوروکله‌نن تاکسیده 5 نفرین جسدی تاپیلیب
